.jpg)
ජපානයේ ටෝකියෝ නුවර පැවැති සෙන්.නෝ 2014 ලෝක ශූරතා කණ්ඩායම් මේසපන්දු තරගාවලියේ සිව්වැනි කාණ්ඩයේ අනුශූරතාව දිනාගැනීමට ශ්රී ලංකා පිරිමි මේසපන්දු කණ්ඩායම සමත්විය.
අවසන් මහා තරගයේදී මොන්ටෙනීග්රෝ කණ්ඩායම හමුවේ පරාජයට පත්වීම නිසා ශී්ර ලංකා කණ්ඩායමට අනුශූරතාවයෙන් සෑහීමකට පත්වීමට සිදුවිය.
ඒ අනුව තරගාවලියට සහභාගීවූ රටවල් 120 න් 74 වැනි ස්ථානයට පැමිණීමට රොහාන් සිරිසේන, උදය රණසිංහ සහ ඉන්දික ප්රසාද් යන කී්රඩකයන්ගෙන් සමන්විත ශ්රී ලංකා පිරිමි කණ්ඩායම සමත් විය.
අවසන් පුර්ව වටයේදී තරග 3-0 ක් ලෙස උස්බැකිස්තානය පරාජය කරමින් ශී්ර ලංකා කණ්ඩායම අවසන් මහ තරගයට සුදුසුකම් ලබාගත් අතර තරග 3-2 ක් ලෙස පේරු රාජ්යය පරාජය කරමින් මොන්ටෙනීග්රෝ කණ්ඩායම අවසන් මහ තරගයට සුදුසුකම් ලබාගත්තේය.
පෙර අර්ධ අවසන් පුර්ව වටයේදී තරග 3-0 ක් ලෙස ලා ඕසය පරාජය කළ ශ්රී ලංකා කණ්ඩායම, අර්ධ අවසන් වටයේදී තරග 3-2 ක් ලෙස පිලිපීනය හමුවේ තියුණු ජයක් වාර්තා කරමින් අවසන් පුර්ව වටයට සුදුසුකම් ලබාගත්තේය.
තරගාවලියේ පළමු අදියරේදී සිව්වැනි කාණ්ඩයේ ‘එම්’ අනු කාණ්ඩය යටතේ තරග වැදුණු ශ්රී ලංකා පිරිමි කණ්ඩායම, එහිදී කිරිගිස්තානය, අයිස්ලන්තය සහ මොරොක්කෝව හමුවේ ජය වාර්තා කළ අතර යේමනය සහ ටෝගෝ රාජ්ය හමුවේ පරජයට පත්විය.
ජර්මනියේ පැවැති පසුගිය ලෝක ශූරතා මේසපන්දු තරගාවලියේදී පස්වැනි කාණ්ඩයෙන් තරගාවලියට එක්වූ ශී්ර ලංකා පිරිමි මේසපන්දු කණ්ඩායමට හිමිවූයේ එහි 98 වැනි ස්ථානයයි.
අවසන් පූර්ව තරගය
ශ්රී ලංකාව විසින් තරග 3-0 ක් ලෙස උස්බැකිස්තානය පරාජය කරන ලදි.
අවසන් මහ තරගය
ශ්රී ලංකාව විසින් තරග 3-2 ක් ලෙස මොන්ටෙනේග්රෝ රාජ්යය පරාජය කරන ලදි.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
