ශ්රී ලංකාවට එරෙහිව දෙසැම්බර් 21 වැනිදා ආරම්භ වන තරග පහකින් යුත් විස්සයි20 තරගාවලිය සඳහා ඉන්දියාව සිය සංචිතය ප්රකාශයට පත් කර තිබේ. පසුගිය මාසයේදී නිමාවූ කාන්තා (එක්දින) ලෝක කුසලාන ජයග්රහණයෙන් පසු හර්මන්ප්රීත් කෞර් සහ ඇගේ කණ්ඩායමට ලැබෙන පළමු තරගාවලිය මෙයයි.
එක්දින ලෝක කුසලාන තරගාවලියෙන් පසුව ඉන්දීය කාන්තා කණ්ඩායම දැන් අවධානය යොමු කරන්නේ ලබන වසරේ එංගලන්තයේදී පැවැත්වීමට නියමිත කාන්තා විස්සයි20 ලෝක කුසලාන තරගාවලිය වෙතය. විස්සයි-20 ශ්රේණිගත කිරීම් අනුව ඉන්දීය කාන්තා කණ්ඩායම 02 වැනි ස්ථානයේත් (ප්රසාද ලකුණු 263) ශ්රී ලංකා කාන්තා කණ්ඩායම 07 වැනි ස්ථානයේත් (ප්රසාද ලකුණු 228) සිටිති.
පසුගිය මාසයේ පැවති එක්දින ලෝක කුසලාන තරගාවලිය දිනාගත් ක්රීඩක ක්රීඩිකාවන් සියලු දෙනාම පාහේ ශ්රී ලංකාවට එරෙහි තරගාවලියට නම්කරනු ලැබ සිටිති. එහෙත් ශාරීරික ආබාධයක් හේතුවෙන් එංගලන්තයට එරෙහිව පැවති විස්සයි20 තරගාවලියට ක්රීඩා නොකළ රේණුකා සිං එක්දින ලෝක කුසලාන තරගාවලියේ දැක්වූ දස්කම් වලින් පසුව නැවතත් කණ්ඩායමට එක්වී සිටී.
විස්සයි20 කණ්ඩායමට පළමු වරට පැමිණෙන 19 හැවිරිදි දඟ පන්දු යවන්නියක වන වෛෂ්ණවි ෂර්මා ද සංචිතයට ඇතුළත් කර ඇත. මේ වසරේදී පැවැති 19න් පහළ කාන්තා ක්රිකට් ලෝක කුසලාන තරගාවලියේදී වැඩිම කඩුලු ලාභිනිය වූයේ වෛෂ්ණාවි ෂර්මායි. ඉන්දියාවට පිට පිටම දෙවැනි ලෝක ශූරතාව දිනා දෙමින් වෛෂ්ණාවි ෂර්මා කඩුලු 17ක් දවා ගත්තාය.
ෂර්මා සමගින් ඉන්දීය යොවුන් කණ්ඩායම නියෝජනය කළ ජී. කමලිනී ද ඉන්දීය ජ්යෙෂ්ඨ කණ්ඩායමට එක්වන්නීය. ඇය රිචා ගෝෂ්ගේ අතිරේක කඩුලු රකින්නිය ලෙස කණ්ඩායමට එක්වෙයි.
ඉන්දීය කාන්තාවන් අවසන් වරට විස්සයි-20 තරගාවලියකට සහභාගි වූයේ පසුගිය ජූලි මාසයේ එංගලන්තයේදීය. ඉන්දීය කාන්තාවෝ එම තරගාවලියේදී 3-2 ක ජයක් අත්පත් කරගත්හ.
ඉන්දීය කාන්තා සංචිතය:
හර්මන්ප්රීත් කෞර් (නායිකා), ස්මි්රති මන්දනා, දීප්ති ෂර්මා, ස්නේ රානා, ජෙමිමා රොඩ්්රගුවස්, ෂෆාලි වර්මා, හර්ලීන් ඩියෝල්, අමන්ජොත් කෞර්, අරුන්දතී රෙඩ්ඩි, ක්රාන්ති ගෞඩ්, රේණුකා සිං ථාකූර්, රිචා ගෝෂ්, ජී කමලිනී, ශ්රී චරණී සහ වෛෂ්ණවි ෂර්මා
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
