බංග්ලාදේශයේ අවසන් කඩුලු 9 ම ලකුණු 67 ක් ඇතුළතදී බිම දැමූ වනිඳු හසරංග ප්‍රමුඛ ශ්‍රී ලංකා දඟ පන්දු යවන්නෝ කොළඹ ආර්. ප්‍රේමදාස ක්‍රීඩාංගණයේදී අද (2 වැනිදා) පැවැති පළමු එක්දින තරගයේදී ලකුණු 77 ක පහසු ජයක් කරා ශ්‍රී ලංකා කණ්ඩායම කැඳවාගෙන ගියහ. ලකුණු 245 ක ඉලක්කයක් කරා යමින් සිටි බංග්ලාදේශ කණ්ඩායම ලකුණු 167 කට දැවී ගියේය.
මෙම තරගායේදී ලබාගත් ජයත් සමගින් තරග 3 කින් සමන්විත තරගාවලියේදී 1-0 ක් ලෙසින් ශ්‍රී ලංකාව පෙරමුණ ගත්තේය.
බංග්ලාදේශ ඉනිමේ 17 වැනි ඕවරයේදී කඩුල්ලක් දැවී ලකුණු 100 ක් ලෙසින් ලකුණු පුවරුව කියැවුණු නමුත් නජ්මුල් හොසේන් ශන්ටෝ දුවද්දි දැවී යාමත් සමගින් කඩුලු 9 ක් ලකුණු 67 කට බිඳ වැටිණ. වනිඳු හසරංග (10/4) සහ කමිඳු මෙන්ඩිස් (19/3) දෙදෙනා එක්ව බංග්ලාදේශය අසරණ කර දැමූහ.
ශ්‍රී ලංකාව වෙනුවෙන් අගනා ශතකයක් ලබාගත් නායක චරිත් අසලංක තරගයේ විරයා වශයෙන් සම්මාන දිනාගත්තේය.
ශ්‍රී ලංකාව - ඕවර 49.2 කදී සියලු දෙනා දැවී 244 යි
(කුසල් මෙන්ඩිස් 45, චරිත් අසලංක 106, ජනිත් ලියනගේ 29, මිලාන් රත්නායක 22, වනිඳු හසරංග 22, ටස්කින් අහමඩ් 44/4, ටැන්සිම් හසක් සකීබ් 45/3)
බංග්ලාදේශය - ඕවර 35.5 කදී සියලු දෙනා දැවී 167 යි
(පර්වේස් හොසේන් 13, ටැන්සිඩ් හසන් 62, නජ්මුල් හොසේන් ශන්ටෝ 23, ජේකර් අලී 51, වනිඳු 10/4, කමිඳු මෙන්ඩිස් 19/3)
- 213
(ඡායාරූප - ජයමාල් චන්ද්‍රසිරි)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
