රග්බි තේරීම් කමිටුවේ කාලය දීර්ඝ කරයි
ශ්රී ලංකා ජාතික රග්බි තේරීම් කමිටුවේ කාලය මාස දෙකකින් දීර්ඝ කිරීමට ක්රීඩා අමාත්ය ඩලස් අහලප්පෙරුම මහතා පියවර ගෙන තිබේ. රොහාන් අබේකෝන් මහතාගේ සභාපතිත්වයෙන් යුත් වර්තමාන ජාතික රග්බි තේරීම් කමිටුවේ නිලකාලය මෙම මැයි මස අවසන් වීමට නියමිත අතර ඒ පිළිබඳව අවධානය යොමු කර මෙම දීර්ඝ කිරීම කර තිබේ.
ශ්රී ලංකා රග්බි සංගමයේ ඉල්ලීමකට අනුව මේ පිළිබඳව ක්රීඩා අමාත්යවරයා අවධානය යොමු කර තිබේ.
රග්බි තේරීම් කමිටුවේ සෙසු සාමාජිකයන් ලෙස ලෙස්ලි ද සිල්වා, කපිල නෝල්ටන්, එල්. බී. ඒකනායක සහ චම්පික නිශාන්ත යන මහත්වරු කටයුතු කරති.
රග්බි තේරීම් කමිටුව මෙම සතියේ නව ජාතික සංචිතයක් නම් කිරීමට නියමිතය.
‘කොරෝනා’ අවදානම හේතුවෙන් පසුගිය මාර්තු මස රට වසා දැමීමත් සමඟ අතරමඟදී අත්හිටුවූ ‘ඩයලොග්’ ලීග් රග්බි තරගාවලියෙන් මෙම සංචිතය තෝරාගැනීමට නියමිත බව උසස් රග්බි නිලධාරියෙක් පැවසීය.