Last Update  :  2025-08-31 15:22:00 About Contact
Follow Us -
IMG-LOGO
නිවස්න පිටුව Rugby අන්තර් පාසල් රග්බි පිටියේ පෙරළිකාර ජයග්‍රහණ රැසක්

අන්තර් පාසල් රග්බි පිටියේ පෙරළිකාර ජයග්‍රහණ රැසක්

editorial - 2025 ජුලි මස 27 {{hitsCtrl.values.hits}} Views 0 Comment
A A A

(ශානුක අරවින්ද) 

ශ්‍රී ලංකා පාසල් රග්බි සංගමය සංවිධානය කරන අන්තර් පාසල් පළමු කොටසේ ලීග් රග්බි තරගාවලියේ දෙවැනි වටයේ දෙවැනි සතිය යටතේ කුසලාන ශූරතාව වෙනුවෙන් පැවැති තරගවලදී පෙරළිකාර ජයග්‍රහණ වාර්තා කිරීමට කොළඹ වෙස්ලි, මහනුවර ත්‍රිත්ව සහ සාන්ත තෝමස් යන විදුහල් සමත් විය. 

එම තරගවලදී ඔවුන් හමුවේ පිළිවෙළින් පරාජයට පත් වූයේ ඉකුත් වසරේ (2024) පැවැති අන්තර් පාසල් ලීග් රග්බි තරගාවලියේ තෙවැනි ස්ථානයට පත්වූ කොළඹ රාජකීය විදුහලත්, අනු ශූරයන් වූ කොළඹ ඉසිපතන විදුහලත් සහ ශූරයන් බවට පත්වූ බම්බලපිටිය ශාන්ත පීතර විදුහලත්ය. 

ඒ අනුව කුසලාන ශූරතාව සඳහා වන ලකුණු සටහනේ මේ වන විට ලකුණු 18 ක් ලබා ත්‍රිත්ව විදුහල ඉදිරියෙන්ම සිටින අතර ලකුණු 12 බැගින් ලබා සිටින වෙස්ලි විදුහල සහ සාන්ත තෝමස් විදුහල් පිළිවෙළින් දෙවැනි සහ තෙවැනි ස්ථානවලට පත්ව සිටියි. 

රාජකීය විදුහල (ලකුණු 7) ලකුණු සටහනේ සිවුවැනි ස්ථානයේද, ඉසිපතන විදුහල (ලකුණු 5) එහි පස්වැනි ස්ථානයේද, ශාන්ත පීතර විදුහල (ලකුණු 4) හයවැනි ස්ථානයේද පසුවේ. කුසලාන ශූරතාව වෙනුවෙන් තවත් සති දෙකකදී තරග පැවැත්වීමට නියමිතය. 

මෙම සතියේදී පළඟ ශූරතාව වෙනුවෙන් පැවැති තරගවලදී ජයග්‍රහණය වර්තා කිරීමට මහනුවර කින්ස්වුඩ්, මරදාන ශාන්ත ජෝෂප් සහ කොළඹ ඩී.එස්. සේනානානයක විදුහල් සමත් වූ අතර බඳුන ශූරතාව වෙනුවෙන් පැවැති තරගවලදී කොළඹ තර්ස්ටන් විදුහල, කටුගස්තොට ශාන්ත අන්තෝනි විදුහල සහ කොළඹ මහානාම විදුහල ජයග්‍රහණ වාර්තා කළේය. 


තරග ප්‍රතිඵල 

කුසලාන ශූරතාව වෙනුවෙන් 
වෙස්ලි විදුහල විසින් ලකුණු 24-17 ක් ලෙස රාජකීය විදුහල පරාජය කරන ලදි. 
ත්‍රිත්ව විදුහල විසින් ලකුණු 32-10 ක් ලෙස ඉසිපතන විදුහල පරාජය කරන ලදි.
සාන්ත තෝමස් විදුහල විසින් ලකුණු 28-26 ක් ලෙස ශාන්ත පීතර විදුහල පරාජය කරන ලදි.

පළඟ ශූරතාව වෙනුවෙන් 
කින්ස්වුඩ් විදුහල විසින් ලකුණු 22-16 ක් ලෙස ආනන්ද විදුහල පරාජය කරන ලදි. 
ශාන්ත ජෝෂප් විදුහල විසින් ලකුණු 27-15 ක් ලෙස සහිරා විදුහල පරාජය කරන ලදි. 
ඩී.එස්. සේනානායක විදුහල විසින් ලකුණු 26-19 ක් ලෙස ශ්‍රී සුමංගල විදුහල පරාජය කරන ලදි. 

බඳුන ශූරතාව වෙනුවෙන් 
තර්ස්ටන් විදුහල විසින් ලකුණු 37-22 ක් ලෙස ධර්මරාජ විදුහල පරාජය කරන ලදි.
ශාන්ත අන්තෝනි විදුහල විසින් ලකුණු 48-31 ක් ලෙස විද්‍යාර්ථ විදුහල පරාජය කරන ලදි.
මහානාම විදුහල සහ විද්‍යා විදුහල අතර තරගය ලකුණු 31-31 ක් ලෙස සම විය. 


අදහස් (0)

අන්තර් පාසල් රග්බි පිටියේ පෙරළිකාර ජයග්‍රහණ රැසක්

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.