Last Update  :  2025-08-31 17:51:00 About Contact
Follow Us -
IMG-LOGO
නිවස්න පිටුව Rugby ත්‍රිත්ව සිංහයෝ පෙරමුණට පනිති
අන්තර් පාසල් රග්බි

ත්‍රිත්ව සිංහයෝ පෙරමුණට පනිති

editorial - 2025 ජුලි මස 29 {{hitsCtrl.values.hits}} Views 0 Comment
A A A

(ශානුක අරවින්ද) 

ශ්‍රී ලංකා පාසල් රග්බි සංගමය සංවිධානය කරන අන්තර් පාසල් පළමු කොටසේ ලීග් රග්බි තරගාවලියේ දෙවැනි වටයේ දෙවැනි සතිය නිමාවට පත්වන විට කුසලාන ශූරතාව සඳහා වන ලකුණු සටහනේ පෙරමුණ ගැනීමට මහනුවර ත්‍රිත්ව විදුහල සමත්ව සිටියි. 

කුසලාන ශූරතාව වෙනුවෙන් මේ වන විට තරග 3 කට ක්‍රීඩා කර ඇති ත්‍රිත්ව විදුහල, එම තරග 3 ම ජයගෙන අපරාජිතව සිටින්නේ ප්‍රසාද ලකුණු 3 ක්ද සමග මුළු ලකුණු 18 කට හිමිකම් කියමිනි. දෙවැනි වටය යටතේ ඉදිරියේදී ඔවුන් මරදාන වෙස්ලි විදුහලට සහ බම්බලපිටිය ශාන්ත පීතර විදුහලට එරෙහිව තරග වැදීමට නියමිතය. 

වෙස්ලි විදුහල සහ ගල්කිස්ස සාන්ත තෝමස් විදුහල 12 බැගින් සම ලකුණු ලබා සිටියද, මෙතෙක් ක්‍රීඩා කළ තරගවලදී එක් එක් කණ්ඩායම් හමුවේ ලැබූ ලකුණු සහ දුන් ලකුණුවල පරතරය අනුව වෙස්ලි විදුහලට දෙවැනි ස්ථානයත්, සාන්ත තෝමස් විදුහලට තෙවැනි ස්ථානයක් හිමිව තිබේ. 

ඉකුත් වසරේ (2024) පැවැති අන්තර් පාසල් ලීග් රග්බි තරගාවලියේ ශූරයන් බවට පත් වූ ශාන්ත පීතර විදුහල, මෙවර කුසලාන ශූරතාව වෙනුවෙන් සහභාගි වූ තරග 3 දීම පරාජයට පත්ව සිටියි. ගියවර අනු ශූරයන් බවට පත්වූ කොළඹ ඉසිපතන විදුහලටද මෙවර ජයගත හැකිව ඇත්තේ තරග එක් තරගයක් පමණි. 

මේ අතර මරදාන ශාන්ත ජෝෂප් විදුහල පළඟ ශූරතාව සඳහා වන ලකුණු සටහනේද, කටුගස්තොට ශාන්ත අන්තෝනි විදුහල බඳුන ශූරතාව සඳහා වන ලකුණු සටහනේද පෙරමුණ ගෙන සිටින්නේ මෙතෙක් සහභාගි වී ඇති තරග 3 ම ජයගෙන අපරාජිත බවද රැකගනිමිනි.  


අදහස් (0)

ත්‍රිත්ව සිංහයෝ පෙරමුණට පනිති

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.