ආදිත්‍ය - කසුන් මහනුවර විද්‍යාර්ථයට ජය ගෙනෙති

‘සිංගර් කුසලාන’ වයස 19 න් පහළ ක්‍රිකට් තරගාවලියේ දෙවැනි කොටසේ තරගයකදී අනුරාධපුර මැදි විදුහලට එරෙහිව ලකුණු 116 ක ජයක් ලබාගැනීමට මහනුවර විද්‍යාර්ථ විද්‍යාලය සමත්විය. මෙම තරගය සාලියපුර යුදහමුදා ක්‍රීඩාංගණයේදී පැවැත්විණි.

ආදිත්‍ය බණ්ඩාර පළමු ඉනිමේ කඩුලු 5 ත් සමගින් කඩුලු 8 ක් දවාගනිමින් තරගය පුරා පන්දුවෙන් දස්කම් දැක්වූ අතර කසුන් කරුණාතිලක දෙවැනි ඉනිමේදී කඩුලු 5 ක් දවාගනිමින් මහනුවර විද්‍යාර්ථ විද්‍යාලය ජයග්‍රහණය කරා රැගෙන යාමට දායකවිය.

විද්‍යාර්ථ විද්‍යාලය - පළමු ඉනිම - ඕවර 52.4 කදී සියලුදෙනා දැවී ලකුණු 156
(රමෙත් කුමුදිත 37, මෙතුමක විජේතිලක 25, රුසිත් දිල්ශාන් 25/3, අශ්මික ප්‍රබෝධන 11/2)

අනුරාධපුර මැදි විදුහල- පළමු ඉනිම - ඕවර 36.5 කදී සියලුදෙනා දැවී ලකුණු 86
(චමෝද්‍ය ඉඳුවර 46, ආදිත්‍ය බණ්ඩාර 36/5, නදුන් විජේතිලක 18/2)

විද්‍යාර්ථ විද්‍යාලය - දෙවැනි ඉනිම - ඕවර 27 කදී කඩුලු 7 ක් දැවී ලකුණු 131
(කවිෂ්ක දිල්හාර 41, මෙතුනක විජේතිලක 40, රුසිත් දිල්ශාන් 46/4)

අනුරාධපුර මැදි විදුහල - දෙවැනි ඉනිම - ඕවර 47.2 කදී සියලුදෙනා දැවී ලකුණු 85
(චමෝද්‍ය ඉඳුවර 44, ආදිත්‍ය බණ්ඩාර 26/3, කසුන් කරුණාතිලක 36/5)