ක්ලිෆර්ඞ් කුසලාන අන්තර් සමාජ පිළිමළුන් පිටු දැකීමේ රග්බි තරගාවලියේ තරගයේදී අප්කන්ටි‍්‍ර ලයන්ස් පිල විසින් සී. ආර් ඇන්ඞ් එෆ්. සී. පිල ලකුණු 34-14 ක් ලෙස පරාජය කරන ලදි. මෙම තරගය කොළඹ පැරණි තුරඟ තරග පිටියේදී විදුලි අලෝකය මධ්‍යයේ අද (28) පැවැත්විණ.
ජයග‍්‍රාහි අප්කන්ටි‍්‍ර ලයන්ස් පිල ගෝල 4 කින් සහ දඩුවම් පහර 2 කින් ලකුණු ලැබූ අතර සී. ආර්. පිලට ගෝල 2 කින් ලකුණු එකතු විය. පළමු අර්ධය අවසන් වන විට අප්කන්ටි‍්‍ර පිල ලකුණු 24-14 ක් ලෙස පෙරමුණේ පසු විය.
අප්කන්ටි‍්‍ර ලයන්ස් පිලට සසංක ආරියරත්න, බී. උඩන්ගමුව සහ නිරෝෂාන් කරුණානායක උත්සාහක දිනුම් එකතු කිරීමට සමත් වූහ.
තරගාවලිය ආරම්භ කරමින් ඊයේ (27) පැවැති තරගයෙන් නාවික හමුදා පිල විසින් ගුවන් හමුදා පිල ලකුණු 55-3 කින් පරාජය කරන ලදි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
