හේෂාන් පිළියන්දල මැදි විදුහලට ජය ගෙනෙයි

‘සිංගර් කුසලාන’ වයස 19 න් පහළ ක්‍රිකට් තරගාවලියේ දෙවැනි කොටසේ තරගයකදී කළුතර තිස්ස මධ්‍ය විද්‍යාලයට එරෙහිව කඩුලු 5 ක ජයක් ලබාගැනීමට පිළියන්දල මධ්‍ය විද්‍යාලය සමත්විය. මෙම තරගය කළුතර තිස්ස මධ්‍ය විද්‍යාලයීය ක්‍රීඩාංගණයේදී පැවැත්විණි.

පළමු ඉනිමේදී ලබාගත් කඩුලු 6 ත් සමගින් කඩුලු 11 ක් දවාගත් හේෂාන් මදුශංක පිළියන්දල මධ්‍ය විද්‍යාලය ජයග්‍රහණය කරා රැගෙන යාමට සමත්විය.

කළුතර තිස්ස මධ්‍ය විද්‍යාලයේ හේෂාන් උවින්ද පළමු ඉනිමේදී ලබාගත් කඩුලු 6 ත් සමගින් කඩුලු 8 ක් දවාගනිමින් පන්දුවෙන් දස්කම් දැක්වුවද ජයග්‍රහණයට එය ප්‍රමාණවත් නොවීය.

තිස්ස මධ්‍ය විද්‍යාලය - පළමු ඉනිම - ඕවර 36.5 කදී සියලුදෙනා දැවී ලකුණු 108
(කෝසල රස්විඳු 24, හේෂාන් මදුශංක 20/6, සසංක ලක්ෂාන් 15/2, උෂාන් දීමන්ත 09/2)

පිළියන්දල මධ්‍ය විද්‍යාලය - පළමු ඉනිම - ඕවර 42.1 කදී සියලුදෙනා දැවී ලකුණු 112
(චමෝද් සඳරු 36, හේෂාන් මදුශංක 24, මල්ෂාන් ගුණතිලක 21, හේෂාන් උවින්ද 39/6, රමේෂ් මදුශංක 12/2)

තිස්ස මධ්‍ය විද්‍යාලය - දෙවැනි ඉනිම - ඕවර 36.4 කදී සියලුදෙනා දැවී ලකුණු 122
(නිකිල් තෂ්මික නොදැවී 54, අශේන් චානුක 25, හේෂාන් මදුශංක 50/5, උෂාන් දීමන්ත 20/3)

පිළියන්දල මධ්‍ය විද්‍යාලය - දෙවැනි ඉනිම - ඕවර 31.4 කදී කඩුලු 5 ක් දැවී ලකුණු 119
(චමෝද් සඳරු නොදැවී 39, මල්ෂාන් ගුණතිලක 21, හේෂාන් මදුශංක 20, කෝසල රවිඳු 27/3, හේෂාන් උවින්ද 44/2)