ශා.අන්තෝනී විද්‍යාලයට පළමු ඉනිමේ ජයක්

‘සිංගර් කුසලාන’ වයස 19 න් පහළ ක්‍රිකට් තරගාවලියේ පළමු කොටසේ තරගයකදී කටුනේරිය ශාන්ත සෙබස්තියන් විද්‍යාලයට එරෙහිව පළමු ඉනිමේ ජයක් ලබාගැනීමට වත්තල ශාන්ත අන්තෝනී විද්‍යාලය අද (28 වැනිදා) සමත්විය. මෙම තරගය කටුනේරිය ශාන්ත සෙබස්තියන් විද්‍යාලයීය ක්‍රීඩාංගණයේදී පැවැත්විණි.

අවිෂ්ක තරිඳු (109) ශතකයක් සහ අරින්ධ පසිඳු (97) අර්ධ ශතකයක් ලබාගනිමින් ශාන්ත අන්තෝනී විද්‍යාල වෙනුවෙන් පිත්තෙන් දස්කම් දැක්වූ අතර එම විද්‍යාලයේම දොන් රොමේෂ් සහ කවීශ දුලාංජන කඩුලු 4 බැගින් දවාගනිමින් පන්දුවෙන් දස්කම් දැක්වූහ.

ශාන්ත සෙබස්තියන් විද්‍යාලයේ දිල්ශාන් මදුසංක (70) අර්ධ ශතකයක්ද සිතුම් අකිලංක කඩුලු 4 ක් දවාගැනීමට සමත්විය.

ශා.අන්තෝනී විද්‍යාලය - පළමු ඉනිම - ඕවර 125.5 කදී සියලුදෙනා දැවී ලකුණු 281
(අවිෂ්ක තරිඳු 109, අරින්ධ පසිඳු 97, සිතුම් අකිලංක 72/4, දීමන්ත සිල්වා 40/2)

ශා.සෙබස්තියන් විද්‍යාලය - පළමු ඉනිම - ඕවර 66 කදී සියලුදෙනා දැවී ලකුණු 192
(දිල්ශාන් මදුසංක 70, දුලාජ් අශේන් 38, දොන් රොමේෂ් 18/4, කවීශ දුලාංජන 22/4)

ශා.අන්තෝනී විද්‍යාලය - දෙවැනි ඉනිම - ඕවර 6.2 කදී කඩුලු 4 ක් දැවී ලකුණු 20