.jpg)
දකුණු කොරියාවේ ‘ඉංචියොන්’ නුවරදී පැවැත්වෙන XVII වැනි ආසියානු ක්රීඩා උළෙලේ රග්බි පිරිමි තරගාවලියේදී ශ්රී ලංකා රග්බි පිල ලෝකඩ පදක්ක්ම ආසන්නයට පැමිණිය ද අවසන් මොහොතේ සිවුවැනි ස්ථානයෙන් සෑහීමට පත්වීමට සිදුවිය.
ලෝකඩ පදක්කම සදහා සත්කාර දකුණු කොරියානු පිලට එරෙහිව ඊයේ පස්වරුවේ පැවැති තරගයේ අවසන් මිනිත්තු තුන වන විට ශ්රී ලංකා පිල ලකුණු 14-12 ක් ලෙස පෙරමුණේ පසු විය. 8 වැනි මිනිත්තුවේ 33 වැනි තත්පරයේදී කොරියාව උත්සාහක දිනුමක් සම්පූර්ණ කරමින් ජයග‍්‍රාහි ලෙස ලකුණු 17-14 ක් පෙරමුණට පැමිණියේය.
ශ්රී ලංකා ක‍්‍රීඩකයෝ මෙහිදී ප‍්‍රබල කොරියානු ක‍්‍රීඩකයන්ට පරාජයේ භය ඇති කරමින් විශිෂ්ට ලෙස පාලනය කිරීම තරගය පුරාම දැකිය .jpg){kind=logo}
හැකිවිය. කෙසේ වෙතත් ධනුෂ්ක රංජන් පන්දුව කොරියන් ක‍්‍රීඩකයකු වෙතට යොමු නොකර කාලය ගතකිරීමට පන්දුව මාරු කිරීමට අවස්ථානුකූලව කටයුතු කළේය නම් තරගයේ ප‍්‍රතිඵල මීට වඩා වෙනස්වීමට ඉඩ තිබුණි
දෙවැනි අර්ධයේ 4 වැනි මිනිත්තුවේදී ලකුණු 12-7 ක් ලෙස ඉදිරියට පැමිණි කොරියානු පිල 6 වැනි මිනිත්තුවේදී පසු පසට ඇද දැමූ ශ‍්‍රීනාත් සූරියබණ්ඩාර අති විශිෂ්ට උත්සාහක දිනුමක් සම්පූර්ණ කරමින් එයට අතිරේක ලකුණු දෙක ද එකතු කිරීමෙන් ලකුණු 14-12 ක් ලෙස ශ්රී ලංකාව නැවතත් පෙරමුණට පැමිණියේය.
පළමු අර්ධයේ 5 වැනි මිනිත්තුවේදී ගයාන් වීරරත්න සම්පූර්ණ කළ උත්සාහක දිනුම නායක ෆාෂීල් මරීජා ගෝලයක් බවට ප‍්‍රවර්ථනය කිරීමත් සමග ලකුණු 7-0 ක් ලෙස ශ්රී ලංකාව පෙරමුණට පැමිණියේය. 8 වැනි මිනිත්තුවේදී කොරියාව ගෝලයක් සම්පූර්ණ කිරීමෙන් ලකුණු 7-7 ක් ලෙස සම තත්ත්වයේ තිබියදී පළමු අර්ධය අවසන් විය.
රන් පදක්කම සදහා පැවැති තරගයේදී ජපානය විසින් ලකුණු 24-12 කින් හොං කොං පරාජය කරන ලදී.
අවසන් පූර්ව තරගයේදී ශ්රී ලංකා පිල ප‍්‍රබල ජපන් පිල හමුවේ ලකුණු 40-0 කින් පරාජයට පත්විය. සත්කාර දකුණු කොරියානු පිල අවසන් පූර්ව තරගයේදී හොං කොං පිල හමුවේ ලකුණු 15-7 කින් පරාජය වීමෙන් ලෝකඩ පදක්කමට ඇද වැටුණි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
