ශාන්ත සෙබස්තියන්ට සිංගර් කුසලානය

අන්තර් පාසල් වයස 17 න් පහළ ‘සිංගර් කුසලාන’ ක්‍රිකට් තරගාවලියේ II කොටසේ ශූරතාව දිනාගැනීමට කටුනේරිය ශාන්ත සෙබස්තියන් විදුහල සමත් විය.

කොළඹ තර්ස්ටන් විදුහල් ක්‍රීඩාංගණයේ පැවැති අවසන් මහ තරගයේදී කඩුලු 3 කින් දෙහිවල එස්. ද එස්. ජයසිංහ විදුහල පරාජය කරමින් ශාන්ත සෙබස්තියන් විදුහල ශූරතාවට හිමිකම් කීවේය.

ජයග්‍රහණය සඳහා ලකුණු 125 ක ඉලක්කයක් හඹාගිය සෙබස්තියන් විදුහල් ක්‍රීඩකයෝ ඕවර 29.3 කදී කඩුලු 7 ක් දැවී එම ඉලක්කය පසුකර ගියහ.

එස්. ද එස්. ජයසිංහ විදුහල වෙනුවෙන් ලකුණු 37 කට කඩුලු 4 ක් දවා ගැනීමට කාවින්දන පෙරේරා සමත් වුවද, සිය කණ්ඩාවම පරාජයෙන් ගලවා ගැනීමට තරම් එය ප්‍රමණවත් නොවීය.

කාසියේ වාසිය දිනා පළමුවෙන් පන්දුවට පහරදුන් එස්. ද එස්. ජයසිංහ විදුහල ලකුණු 124 කට සීමා කිරීමට සෙබස්තියන් විදුහල් පන්දුයවන්නෝ සමත් වූ අතර සමිත දිල්ෂාන් සහ අශේන් චානුක කඩුලු 3 බැගින් දවාගත්හ.  

එස්. ද එස්. ජයසිංහ විදුහල - ඕවර 38.1 කදී සියලු දෙනා දැවී 124  
(තිලංක දිල්හාර 49, මදුක නිරෝෂන් 22, ආකාෂ් තරංග 14, සමිත දිල්හාර 25/3, අශේන් චානුක 33/3, ශෙහාන් උදාර 28/2)

ශාන්ත සෙබස්තියන් විදුහල - ඕවර 29.3 කදී කඩුලු 7 ක් දැවී 127
(සමිත දිල්ෂාන් 33, කාවින්ද ඉරෝෂ් 20, අශේන් චානුක නොදැවී 19, රෂ්මික උදාර නොදැවී 14, කාවින්දන පෙරේරා 37/4)

ශාන්ත සෙබස්තියන් විදුහල් කණ්ඩායම