පන්දු යවන්නෝ මොරටුව සෙබස්තියන්ට ජය ගෙනෙති

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ තරගයකදී පානදුර ශාන්ත ජෝන්ස් විදුහලට එරෙහිව කඩුලු 6 ක ජයක් හිමිකර ගැනීමට මොරටුව ශාන්ත සෙබස්තියන් විදුහල ඊයේ (11 වැනිදා) සමත්විය. මෙම තරගය පානදුර ශාන්ත ජෝන්ස් විදුහල් ක්‍රීඩාංගණයේදී පැවැත්විණි.

සසික පෙරේරා කඩුලු 4 ක්ද ජනිෂ්ක පෙරේරා කඩුලු 3 ක් සහ නදීර ප්‍රනාන්දු කඩුලු 2 ක් දවාගනිමින් ශාන්ත සෙබස්තියන් විදුහල වෙනුවෙන් පන්දුවෙන් දස්කම් දැක්වූහ.

ශා.ජෝන්ස් විදුහල - ඕවර 22 කදී සියලුදෙනා දැවී 82
(ගයාන් දිල්ෂාන් 20, චානක මනුප්‍රිය 22, සසික පෙරේරා 15/4, ජනිෂ්ක පෙරේරා 41/3, නදීර ප්‍රනාන්දු 08/2)

ශා.සෙබස්තියන් විදුහල - ඕවර 16.1 කදී කඩුලු 4 ක් දැවී 86
(සවිඳු රොඩිගූ 22, ජනිෂ්ක පෙරේරා නොදැවී 20)