අවිෂ්ක ලී තවමත් පෙරමුණේ

විජය පුවත්පත් සමාගමේ සති අන්ත ඉංග්‍රීසි පුවත්පත වන ‘ද සන්ඬේ ටයිම්ස්’ පුවත්පත සහ ‘සිංගර්’ ශ්‍රී ලංකා සමාගම එක්ව ක්‍රියාත්මක කරන ‘සිංගර් - සන්ඬේ ටයිම්ස්’ වසරේ ජනප්‍රියම පාසල් රග්බි ක්‍රීඩකයා තේරීමේ තරගයේ නවවැනි සතියේදී වෙස්ලි විදුහලේ අවිෂ්ක ලී කිසිඳු තරගයකින් තොරව වැඩි ඡන්ද 1830 කින් ඉදිරියෙන් සිටියේය.

අවිෂ්ක ලී නවවැනි සතියේ ඡන්ද 169 ක් ලබා සමස්ත ඡන්ද 2728 ක් ලබා හිමිකරගෙන සිටියේය. 

දෙවැනි ස්ථානයේ සිටින කොළඹ ආනන්ද විදුහලේ සසිඳු රත්නවීර නවවැනි සතියේ ඡන්ද 238 ක් ලබමින් ඡන්ද 898 ක් හිමිකරගෙන තිබේ.

ජනප්‍රියම ක්‍රීඩකයා තරගයට මේ වන විට ක්‍රීඩකයන් 32 ක් ඇතුළත්ව සිටින අතර එයින් ක්‍රීඩකයන් 9 දෙනකු ඡන්ද 100 පසු කර තිබේ. 

වෙස්ලි විදුහල ඡන්ද 2725 ක් ලබා ජනප්‍රියම පාසල් රග්බි කණ්ඩායම තේරීමේ තරගයේ තව දුරටත් පෙරමුණ හිමිකරගෙන සිටියි. 

ආනන්ද විදුහල ඡන්ද 943 ක් ලබා දෙවැනි ස්ථානයේ තව දුරටත් රැදී සිටියි. 

අප්‍රේල් මස 23 වැනිදා සිට සති 15 ක් මෙම තරගය ක්‍රියාත්මක වන අතර ලබන ජූලි මස 30 වැනිදා අවසන් වීමට නියමිතය.

විජය පුවත්පත් සමාගමේ ප්‍රකාශන වන ‘ඬේලි මිරර්, ‘දිනපතා ලංකාදීප’ සහ ‘අද’ යන පුවත්පත්වල මෙම තරගයේ කූපන සති 15 ක් පළවේ. 

පුවත්පත්වල පළවන කූපන සම්පූර්ණ කර ඊළඟ සතියේ බ්‍රහස්පතින්දා මධ්‍යහන 12.00 ට පෙර විජය පුවත්පත් සමාගමට බාර දිය යුතුය. 

ප්‍රතිඵල ලේඛණය

කූපන් යොමු කළ ජයග්‍රාහකයෝ:
1. බී. එස්. ඩී. ලියනගේ, නො. 86/9, පිටවලවත්ත, ගෙලිඔය 
2. චානුක ප්‍රනාන්දු, නො. 62, පුෂ්පාරාම පාර, පොතුපිටිය, වාද්දුව
3. ඩන්කන් ද සිල්වා, නො. 54/2, ගැමුණු මාවත, හුණුපිටිය, වත්තල

- 048