තෙවිඳුගේ ශතකය ඉසිපතනයට ජය ගෙනෙයි

තෙවිඳු දික්වැල්ලගේ (120) විශිෂ්ට පිතිහරඹය හමුවේ ‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ තරගයකදී පන්නිපිටිය ධර්මපාල විදුහලට එරෙහිව ලකුණු 198 ජයක් හිමිකර ගැනීමට කොළඹ ඉසිපතන විදුහල අද (25 වැනිදා) සමත්විය. මෙම තරගය බී.ආර්.සි. ක්‍රීඩාංගණයේදී පැවැත්විණි.

තෙවිඳු දික්වැල්ලට අනගි සහයක් ලබාදුන් රවිඳු රත්නායක (74) අර්ධ ශතකයක් ලබාගනිමින් කොළඹ ඉසිපතන විදුහල් කණ්ඩායම ලකුණු 300 සීමාවෙන් ඔබ්බට රැගෙන ගියේය.

ඉසිපතන විදුහල - ඕවර 50 කදී කඩුලු 9 ක් දැවී 309
(තෙවිඳු දික්වැල්ල 120, රවිඳු රත්නායක 74, සවිඳු උත්සර 32, ලෙෂාන් අමරසිංහ 25, විහඟ ගුණතිලක 29/3, සංචන ලංකා 37/2)

ධර්මපාල විදුහල - ඕවර 37.5 කදී සියලුදෙනා දැවී 111
(සංචන ලංකා 41, තරූෂ පෙරේරා 16/3, ලෝමිත රවින්ජිත් 17/2, යසිරු කස්තුරිආරච්චී 24/2)