ශාන්ත පීතර ශූරතාව රැකගැනීමේ සටනට

යාපනයේදී තුන්වැනි වරටත් පැවැත්වෙන මුරලි- සාම කුසලාන විස්සයි20 කි‍්‍රකට් තරගාවලියේ සිකුරාදා පැවැති තරග වලින් අනතුරුව අවසන් පූර්ව වටයට සුදුසුකම් ලබාගැනීමට ශාන්ත පීතර, ආනන්ද, රිච්මන්ඞ් සහ පොළොන්නරුව ඒකාබද්ධ කණ්ඩායම් සමත් වූහ. මෙම කණ්ඩායම් අතුරින් ශාන්ත පීතර විදුහල පසුගිය වසරේ පැවැති තරගාවලියේ ශූරතාව දිනාගත් කණ්ඩායමද වෙයි.

තරගාවලියේ අවසන් පූර්ව තරග අද (1 වැනිදා) යාපනය ශාන්ත පැට්ටි‍්‍රක් විදුහල් කී‍්‍රඩාංගණයේදී පැවැත්වෙයි. කිලිනොච්චි ප‍්‍රදේශයේ මේ දිනවල පවතින කි‍්‍රකට් කී‍්‍රඩාවට යෝග්‍ය නොවන කාලගුණය හේතුවෙන් අවසන් පූර්ව තරග දෙකම යාපනයේ ශාන්ත පැට්ටි‍්‍රක් විද්‍යාලයේදී පැවැත්වීමට සංවිධායකයෝ තීරණය කළහ.

අවසන් පූර්ව වටයේදී ශාන්ත පීතර විදුහල සහ ආනන්ද විදුහලද රිච්මන්ඞ් විදුහල සහ පොළොන්නරුව ඒකාබද්ධ විදුහල් කණ්ඩායමද තරග වැදීමට නියමිතය.

ඊයේ (31 වැනිදා) දිනයේ පැවැති තරග වල ප‍්‍රතිඵල

• කොළඹ ආනන්දු විදුහල විසින් කඩුලූ 9 කින් ජාත්‍යන්තර පාසල් ඒකාබද්ධ පිල පරාජය කරන ලදි.
• මොරටුව වේල්ස් කුමර විදුහල විසින් ලකුණු 13 කින් යාපනය ඒකාබද්ධ විදුහල් පිල පරාජය කරන ලදි.
• ගාල්ල රිච්මන්ඞ් විදුහල විසින් කඩුලූ 10 කින් බණ්ඩාරවෙළ ශාන්ත තෝමස් විදුහල පරාජය කරන ලදි.
• ති‍්‍රකුණාමලය සහ මඩකලපුව ඒකාබද්ධ විදුහල් පිල විසින් ලකුණු 51 කින් කරන්දෙණිය මධ්‍ය මහ විදුහල පරාජය කරන ලදි.
• බදුල්ල සහ මොනරාගල ඒකාබද්ධ විදුහල් පිල සහ ශාන්ත පීතර විදුහල අතර පැවැති තරගය ජය පරාජයෙන් තොරව අවසන් විය.
• කිලිනොච්චිය සහ මුලතිව් ඒකාබද්ධ විදුහල් පිල සහ සීනිගම ගුණ ජය සතුට පිල අතර පැවැති තරගය ජය පරාජයෙන් තොරව අවසන් විය.
• රත්ගම දේවපතිරාජ විදුහල සහ පෙළොන්නරුව ඒකාබද්ධ විදුහල් පිල අතර පැවැති තරගය ජය පරාජයෙන් තොරව අවසන් විය.
• මන්නාරම සහ වවුව්නියාව ඒකාබද්ධ විදුහල් පිල සහ මීගමුව මාරිස්ටෙලා විදුහල අතර පැවැති තරගය ජය පරාජයෙන් තොරව අවසන් විය.