(කටුනායක ටී.කේ.ජී.කපිල)
ඕමානයට එරෙහිව පැවැත්වෙන විස්සයි-20 තරග 2 කට සහ ඉන් අනතුරුව පැවැත්වෙන විස්සයි- 20 ලෝක ශූරතාවලිය සදහා සහභාගී වීමට ශ්‍රී ලංකා කණ්ඩායම අද දහවල් කටුනායක ගුවන් තොටුපළෙන් පිටත්ව ගියේය. මෙම කණ්ඩායමට ක්‍රීඩකයෝ 23 දෙනෙක් සහ පුහුණු කාර්යමණ්ඩලයේ 13 දෙනෙක් වශයෙන් , සමස්ථ කණ්ඩායම 36 දෙනෙකුගෙන් සමන්විතය.
ශ්‍රී ලංකා විස්සයි විස්ස ක්‍රිකට් කණ්ඩායම ඕමානය බලා පිටත්ව යාමට නියමිතව සිටියේ ඉරිදා රාත්‍රියේය. ඒ සදහා ඔවුන්ගේ බඩුබාහිරාදිය , ලොරි දෙකකින් කටුනායක ගුවන් තොටුපළ වෙත රැගෙන පැමිණියද , මෙම ක්‍රීඩකයන් රැගෙන යාමට නියමිත ගුවන් යානය එරට පවතින අධික වැසි සහිත අයහපත් කාළගුණික තත්වය නිසා ඉරිදා රාත්‍රියේ සිය ගුවන් ගමන අවලංගු කර තිබිණ. කරමින් , කටුනායක ගුවන් තොටුපළ වෙත නොපැමිණියේය .
එනිසා ක්‍රීඩකයෝ තමන්ගේ බඩුබාහිරාදියද රැගෙන ඉරිදා රාත්‍රියේ නැවතත් හෝටලය බලා ගියහ. ඔවුන් රැගෙන යාමට පැමිණි ඕමාන් ගුවන් සේවයේ ඩබ්ලිව්.වයි.- 2372 දරන ගුවන් යානය අද දහවල් පැමිණි හෙයින් අද පස්වරු 01.15 ශ්‍රී ලංකා කණ්ඩායම ඕමානය බලා පිටත්ව ගියේය.
ඕමානයේදී පැවැත්වෙන විස්සයි-20 තරගාවලියෙන් පසුව ශ්‍රී ලංකා ක්‍රිකට් කණ්ඩායම , එක්සත් අරාබි එමීර් රාජ්‍යයේ පැවැත්වෙන විස්සයි විස්ස ලෝක ශුරතා තරගාවලිය සදහා ඩුබායි නුවර වෙත පැමිණීමට නියමිතය .
(ඡායාරූප - කටුනායක ටී.කේ.ජී.කපිල)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
