මෙම කණ්ඩායමට රත්ගම දේවපතිරාජ විද්‍යාලයේ ක්‍රීඩිකාවන් තිදෙනකුම ඇතුළත්ව සිටින අතර ඔවුන් තිදෙනාම 2025 කාන්තා යොවුන් ලෝක කුසලාන තරගාවලියේදීත් ශ්‍රී ලංකා යොවුන් පිල නියෝජනය කළහ. උඩුදුම්බර ද්විතික විද්‍යාලයේ ධරණි දිසානායක මෙම කණ්ඩායමට තෝරාගත් නමුත් ඇයගේ පාදයේ වළලු කර ඇතිවූ ආබාධයක් හේතුවෙන් ඇය සංචාරයට එක් නොවේ. 

 

ඕස්ට්‍රේලියාවේ බි්‍රස්බේන් සහ ගෝල්ඩ් කෝස්ට් නගර වලදී ඕස්ටේ්‍රලියානු 19 න් පහළ, එංගලන්ත 19 න් පහළ සහ ශ්‍රී ලංකා 19 න් පහළ කණ්ඩායම් අතර තුන්කොන් තරගාවලි දෙක පැවැත්වෙයි. මෙම තරගාවලිය එක්දින තුන්කොන් තරගාවලියකින් සහ විස්සයි-20 තුන්කොන් තරගාවලියකින් සමන්විතය. එහෙත් තරගාවලි දෙකම පැවැත්වෙන්නේ කණ්ඩායම් තුනේ ක්‍රීඩිකාවන්ට අත්දැකීම් ලබාගන්නට බැවින් තරගාවලි දෙකෙන් එකකට හෝ කුසලාන ප්‍රදානය නොකෙරේ. 

 

ශ්‍රී ලංකා යොවුන් කාන්තා කණ්ඩායම පසුගිය 3 වැනිදා ඕස්ට්‍රේලියාව බලා පිටත්ව ගියේය. 

 

එක්දින තරගාවලිය මේ මස 6 වැනිදා ආරම්භ වේ. ශ්‍රී ලංකා කණ්ඩායමේ තරග 7 වැනිදා එංගලන්තයට එරෙහිවත්, 8 වැනිදා ඕස්ට්‍රේලියාවට එරෙහිවත් පැවැත්වේ.