ශ්රී ලංකා රග්බි සංගමය මෙහෙයවන අන්තර් සමාජ පළමු කොටසේ ‘ඩයලොග්’ කුසලාන ලීග් රග්බි තරගාවලියේ දෙවැනි වටයේදී හම්බන්තොට ශාක්ස් පිල සහ ගුවන් හමුදා පිල අතර හෙට (23) බෙලිඅත්ත ඞී. ඒ. රාජපක්ෂ ක්රීඩාංගණයේදී පැවැත්වීමට නියමිතව තිබූ අතර රත්මලාන ගුවන් හමුදා ක්රීඩාංගණයට මාරුකර තිබේ.
මෙම තරගය හම්බන්තොට ශාක්ස් පිල සත්කාරකත්වය දරණ තරගයක් වන අතර පළමු වටයේදී ශාක්ස් පිල සත්කාරකත්වය දැරූ සියලූම තරග බෙලිඅත්තේදී පැවැත්විණි. තරගාවලියේ දෙවැනි වටයේ දෙවැනි සති අන්තයයේ තරග හතරක් පැවැත්වීමට නියමිතය.
පොලිස් පිල සහ මහනුවර පිල අතර අනිද්දා (24) බම්බලපිටිය පොලිස් ක්රීඩාංගණයේදී පැවැත්වීමට නියමිතව තිබූ තරගය ද සී. ආර්. පිටියට මාරු කර තිබේ.
පළමු සතියේ තරග අවසන් වන විට නාවික හමුදා පිල ප්රසාද ලකුණු සටහනේ පෙරමුණට පැමිණීමට සමත්ව සිටියේය. මහනුවර ක්රීඩා සමාජය දෙවැනි ස්ථානයේ පසු වෙයි.
නාවික හමුදා පිල තරග 9 කදි ජයග්රහණ 8 ක් සහ පරාජයක් සමගින් ප්රසාද ලකුණු 45 ක් ද, මහනුවර ක්රීඩා සමාජය තරග 8 කදී ජයග්රහණ 7 ක් සහ පරාජයක් සමගින් ප්රසාද ලකුණු 40 ක් ද, ලබා තිබේ.
හැව්ලොක්ස් පිල තරග 9 කදී ජයග්රහණ 6 ක් සහ පරාජ 3 ක් සමගින් ප්රසාද ලකුණු 38 ක් ලබා සිටියි.
මෙම සති අන්තයේ පැවැත්වෙන තරග
ප්රසාද ලකුණු සටහන - දෙවැනි වටය
කණ්ඩායම තරග ජය පරාජ වි.තො ලැ.ල දු.ල අ.ප්ර ප්ර.ල
නාවික හමුදාව 9 8 1 - 289 134 5 45
මහනුවර 8 7 1 - 302 118 5 40
හැව්ලොක්ස් 9 6 3 - 262 142 8 38
යුද හමුදාව 9 6 3 - 206 182 4 34
සී. ආර්. 9 5 4 - 227 191 7 32
පොලිස් 9 4 5 - 210 282 5 25
ශාක්ස් 9 2 7 - 140 390 1 11
සී. එච්. 8 1 7 - 127 259 4 9
ගුවන් හමුදාව 8 - 8 - 136 301 3 3
කෙටි යෙදුම්: වි.තො - විසඳුමකින් තොර, ලැ.ල - ලැබු ලකුණු, දු.ල - දුන් ලකුණු, අ.ප්ර - අතිරේක ප්රසාද ලකුණු, ප්ර.ල - ප්රසාද ලකුණු, සාමා. - සාමාන්ය
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
