ලෝකඩ පදක්කම ශ්‍රී ලංකාවට

සිවුවැනි ආසියානු කාන්තා කබඩි තරගාවලියේ ලෝකඩ පදක්කම ශ්‍රී ලංකාවට හිමිවිය. දකුණු කොරියාවේ බූසාන් නගරයේදී ඊයේ (3) නිමා වු මෙම තරගාවලියේ රන් පදක්කම කොරියාව ද, රිදී පදක්කම තායිලන්තය ද දිනා ගත්තේය.

තරගාවලියේ මුලික වටයේදී ‘ඒ’ කාණ්ඩයෙන් තරග කළ ශ්‍රී ලංකා ක්‍රීඩිකාවෝ ජපානය, තායිලන්තය සහ ඉරාකය පරදවා පෙරමුණ ගත්හ. කොරියාව සමඟ පළමු අවසන් පුර්ව තරගයේදී වරක් ලකුණු 9/8 ක් ලෙස තියුණු තරගයක් ලබාදමට ද ශ්‍රී ලංකාව සමත්විය.

 කෙසේ වෙතත් අවසානයේදී කොරියාව ලකුණු 16/11 ක් ලෙස ජය ලැබීය. දෙවැනි අවසන් පුර්ව තරගයේදී තායිලන්තය විසින් ඉරාකය පරාජය කරන ලදී.

ලෝකඩ පදක්කම්ලාභී ශ්‍රී ලංකා කාන්තා කබඩි කණ්ඩායම:

ආර්.පී.එම්.චතුරිකා, ඒ. පී.එම්.හංසමාලී, එල්. පී.එම්.පත්මසිරි, ජී.එස්.එම්.ජයසිංහ, ජී.කේ.හේරත්, ටී.එම්.විජේතිලක, ඩී.එච්.බුද්ධිකා, පී.එම්.තිලක්ෂණී, අයි.එස්.විජේතුංග, එම්.එන්.විජේකෝන්,
එල්.බී. රත්නායක මහතා (ලේකම්), ඩී. එස්.ගුණසේකර මහතා (කළමනාකරු), කේ.පී.පෙරේරා මහතා (තාක්‍ෂණ නිලධාරී), එම්. ටී. සමරකෝන් මහතා (පුහුණුකරු)