යුද හමුදාව - ආදි රාජකීය ජය ලබයි

ජාතික බේස්බෝල් ලීග් ශූරතාවලියේ ‘බී’ කාණ්ඩය යටතේ ඊයේ (11 වැනිදා) පැවැති තරගවලදී ජය වාර්තා කිරීමට යුද හමුදාව සහ ආදි රාජකීය බේස්බෝල් ක්‍රීඩා සමාජය සමත් විය. 

ඊයේ පෙරවරුවේ පැවැති තරගයේදී ලකුණු 7-3 ක් ලෙස ආදි ආනන්දීය බේස්බෝල් ක්‍රීඩා සමාජය පරාජය කිරීමට යුද හමුදා කණ්ඩායම සමත් වූ අතර එම තරගයේදී ඔවුන්ට ඉනිම් 9 ම ක්‍රීඩා කිරීමට සිදුවිය. 

ඊයේ පස්වරුවේ පැවැති තරගයේදී ලකුණු 16-0 ක් ලෙස ආසියානු බේස්බෝල් ක්‍රීඩා සමාජය පරාජය කිරීමට ආදි රාජකීය බේස්බෝල් ක්‍රීඩා සමාජය සමත් වූ අතර  ඉහළ ලකුණු පරතරයක් රඳවාගැනීම හේතුවෙන් ඉනිම් 6 ක් ක්‍රීඩා කිරීමෙන් අනතුරුව එම තරගය නතර කෙරිණ. 

ශ්‍රී ලංකා බේස්බෝල් සංගමය සංවිධානය කරන මෙම තරගාවලිය කණ්ඩායම් 8 ක සහභාගීත්වයෙන් පෙරේදා (10 වැනිදා) දියගම ජපන් - ශ්‍රී ලංකා මිත්‍රත්ව බේස්බෝල් ක්‍රීඩාංගණයේදී ආරම්භ විය. 

තරගාවලියේ මූලික වටයේ තරග මේ මස 25 වැනිදා දක්වා සෑම සෙනසුරාදා සහ ඉරිදා දිනයකදීම පැවැත්වෙන අතර අවසන් පූර්ව තරග ජූලි මස 1 වැනිදාත්, අවසන් මහ තරගය ජූලි මස 2 වැනිදාත් පැවැත්වීමට නියමිතය.