සන්තුෂ් - ශාලිත ශා.පීතරට ජය ගෙනෙති

ශ්‍රී ලංකා පාසල් ක්‍රිකට් සංගමය සංවිධානය කරන වයස 19 න් පහළ අන්තර් පාසල් සීමිත ඕවර ක්‍රිකට් තරගාවලියේ I කොටසේ අර්ධ අවසන් පූර්ව වටයට සුදුසුකම් ලබාගැනීමට බම්බලපිටිය ශාන්ත පීතර විදුහල සමත් විය.

කොළඹ මුවර්ස් ක්‍රීඩාංගණයේදී පැවැති පෙර අර්ධ අවසන් පූර්ව වටයේ තරගයකදී ගාල්ල ඇලවීෂියස් විදුහලට එරෙහිව කඩුලු 6 ක ජයක් අත්කර ගනිමින් ශාන්ත පීතර විදුහල අර්ධ අවසන් පූර්ව වටයට සුදුසුකම් ලැබීය.

ජයග්‍රහණය සඳහා ලකුණු 202 ක ඉලක්කයක් හඹා ගිය ශාන්ත පීතර විදුහල පන්දු 16 ක් ඉතිරිව තිබියදී කඩුලු 4 ක් පමණක් දැවී එය ඉලක්කය පසුකර ගියේය. එහිදී සන්තුෂ් ගුණතිලක (62) සහ ශාලිත ප්‍රනාන්දු (නොදැවී 59) අර්ධ ශතක ලබාගනිමින් ශාන්ත පීතර විදුහල ජයග්‍රහණය කරා ගෙන ගියහ.

ඇලවීෂියස් විදුහල - ඕවර 50 කදී කඩුලු 8 ක් දැවී 201
(සසිඳු නානායක්කාර නොදැවී 51, සංදීප චමෝද් 39, මනුෂ්ක සමිත් 35, අෂේන් බණ්ඩාර 27, සන්තුෂ් ගුණතිලක 33/3, සචින් සිල්වා 47/2)

ශාන්ත පීතර විදුහල - ඕවර 47.2 කදී කඩුලු 4 ක් දැවී 202
(සන්තුෂ් ගුණතිලක 62, ශාලිත ප්‍රනාන්දු නොදැවී 59, හරීන් බුද්දිල 30/2)