ශා. සෙබස්තියන් - ද ලාසාල් සම ශූරතාව දිනති

අන්තර් පාසල් වයස 15 න් පහළ ‘සිංගර්’ කුසලාන ක‍්‍රිකට් තරගාවලියේ දෙවැනි කොටසේ සම ශූරතාව මොරටුව ශාන්ත සෙබස්තියන් විදුහල් ‘බී’ කණ්ඩායමට සහ කොළඹ ද ලාසාල් විදුහලට හිමිවිය.

කොළඹ වෙළෙඳ සේවා ක‍්‍රිකට් ක‍්‍රීඩාංගණයේදී පසුගියදා පැවැති මෙම තරගය වර්ෂාව හේතුවෙන් අතහැර දැමීමට සිදුවිය.

පෙරවරුවේ වර්ෂාව ඇද හැලෙන විට ද ලාසාල් විදුහල  ඕවර 21.3 කදී කඩුල්ලක් දැවී ලකුණු 55 ක් ලබා සිටියේය. ඒ අනුව ඩක්වත් ලූවිස් න්‍යායට අනුව ශාන්ත සෙබස්තියන් විදුහලට  ඕවර 20 කදී ලකුණු 124 ක ඉලක්කයක් බාර විය.

ශාන්ත සෙබස්තියන් විදුහල  ඕවර 14.1 කදී කඩුලූ 4 ක් දැවී ලකුණු 69 ක් රැස්කර සිටියදී අයහපත් ආලෝක තත්ත්වය හේතුවෙන් තරගය අතහැර දැමීමට සිදුවිය.

ඩිලාසාල් විදුහල  ඕවර 21.3 කදී කඩුලූ 1 ට 55

(රවිඳු සංදීප නොදැවී 31, ධනංජය පෙරේරා නොදැවී 11)

ශාන්ත සෙබස්තියන් විදුහල් ‘බී’ කණ්ඩායම  ඕවර 14.1 කදී කඩුලූ 4 ට 69

(සුපුන් ප‍්‍රනාන්දු නොදැවී 19, නවෝද් සිල්වා 11)

ශාන්ත සෙබස්තියන් විදුහල් ‘බී’ කණ්ඩායම 

ඩිලාසාල් විදුහල