.jpg)
කොළඹ ප්‍රධානතම පාසල් දෙකක් වන ශාන්ත ජෝශප් විදුහල සහ ශාන්ත පීතර විදුහල අතර ‘ශාන්තුවරයන්ගේ සංග්‍රාමය’ 83 වැනි වාර්ෂික මහ ක්‍රිකට් තරගය පී. සරවනමුත්තු ක්‍රීඩාංගණයේදී මේ මස 3 සහ 4 දෙදින පැවැත්වේ.
දෙවිදුහල් අතර මේ දක්වා පවත්වා ඇති මහ ක්‍රිකට් තරග 82 දී ශාන්ත ජෝශප් විද්‍යාලය තරග 12 ක් ජය ලබා ඇති අතර ශාන්ත පීතර විද්‍යාලය තරග 09 ක් ජය ලැබීමට සමත්ව තිබේ. ඉතිරි තරග 59 විසදුමකින් තොරව නිමවී තිබේ.
ශාන්ත ජෝශප් විදුහල රුවන්ත ප්‍රනාන්දුපුල්ලේගේ නායකත්වයෙන් 2008 වසරේ අවසන් වරට ජය ලැබූ අතර ශාන්ත පීතර විදුහල 2016 වසරේ විනූ මොහොට්ටිගේ නායකත්යෙන් ජය ලැබීය.
මෙවර ශාන්ත ජෝශප් විදුහල් පිලේ නායකයා ලෙස හරීන් කුරේ ද, ශාන්ත පීතර විදුහල් පිලේ නායකයා ලෙස ලක්‍ෂිණ රොද්‍රිගු ද, කටයුතු කරති.
ශාන්ත ජෝශප් විදුහල මෙම තරග වාරයේ තරග 17 කට ක්‍රීඩා කර ශාන්ත පැට්ටි්‍රක්, මීගමුව මාරිස්ටෙලා සහ ගම්පහ බණ්ඩාරනායක යන විදුහල් තුනට එරෙහිව පූර්ණ ජයග්‍රහණ ලැබීය. එහිදී ශාන්ත ජෝශප් විදුහල පළමු ඉනිමේ පරාජය දෙකක් පමණක් ලබා තිබේ.
ශ්‍රී ලංකා වයස 19 න් පහළ පිල නියෝජනය කළ ප්‍රබල ක්‍රීඩකයන් වන ජෙහාන් ඩැනියල් සහ රෙවාන් කෙලී මෙවර මහ ක්‍රිකට් තරගයේදී ශාන්ත ජෝශප් විදුහලේ ප්‍රධානම බලාපොරොත්තුවක් බවට පත්ව තිබේ.
නිපුන් සුමනසිංහ මෙම තරග වාරයේදී ලකුණු 957 ක් රැස්කරමින් ශාන්ත ජෝශප් විදුහල් පිලේ ප්‍රබලතම පිතිකරු බවට පත්ව සිටියි. දිනෙත් මදුරාවල (794), ශිවෝන් ෆොන්සේකා (638), පහන් පෙරේරා (491) මෙම තරග වාරයේ පිත්තෙන් දස්කම් දැක්වූ සෙසු ශාන්ත ජෝශප් විදුහල් පිතිකරුවෝ වෙති.
ශාන්ත ජෝශප් විදුහල් පිලේ නායක හරීන් කුරේ මෙම තරග වාරයේ කඩුලු 77 ක් දවා ගැනීමට සමත්ව සිටියි. රුචිර ඒකනායක (32), නිපුන් සුමනසිංහ (27) සහ දිනෙත් ජයකොඩි (27) ශාන්ත ජෝශප් විදුහල් පන්දු යැවීමේ බලැනිය ශක්තිමත් කරන සෙසු කරති.
ශාන්ත පීතර විදුහල මෙම තරග වාරයේ තරග 17 කට ක්‍රීඩා කරමින් වත්තල ශාන්ත අන්තෝනි, මීගමුව මාරිස්ටෙලා, කෑගල්ල ශාන්ත මරියා, ශාන්ත සෙබස්තියන් සහ ශාන්ත බෙනඩික් යන විදුහල් පහට එරෙහිව පූර්ණ ජයග්‍රහණ ලබා තිබේ. ශාන්ත පීතර විදුහල මෙම තරග වාරයේ පළමු ඉනිමේ පරාජ පහක් පමණක් ලබා තිබේ.
සන්තුෂ් ගුණතිලක ලකුණු 872 ක් ද, නායක ලක්‍ෂිණ රොද්‍රිගු ලකුණු 871 ක් ද, රැස්කරමින් මෙම තරග වාරයේ ශාන්ත පීතර විදුහලේ ප්‍රබලතම පිතිකරුවෝ බවට පත්ව සිටිති. ශාලිත ප්‍රනාන්දු (717), මනිල්ක ද සිල්වා (598) සහ අනිෂ්ක පෙරේරා (495) මෙම තරග වාරයේ ශාන්ත පීතර විදුහලේ සෙසු ලකුණු අතර සිටින පිතිකරුවෝ වෙති.
මොහොමඞ් අමීන් කඩුලු 94 ක් දවා ගනිමින් මෙම තරග වාරයේ ශාන්ත පීතර විදුහලේ ඉහළතම කඩුලු ලාභියා බවට පත්ව සිටියි. චතුර ඔබේසේකර (68) සහ සන්තුෂ් ගුණතිලක (28) මෙම තරග වාරයේ කඩුලු අතර සිටින සෙසු පන්දු යවන්නෝ වෙති.
දෙවිදුහල් අතර වාර්ෂික එක්දින ක්‍රිකට් තරගය මාර්තු මස 25 වැනිදා කොළඹ එස්.එස්.සී. ක්‍රීඩාංගණයේදී පැවැත්වීමට නියමිතය.
|
ශාන්ත ජෝශප් විදුහල් කණ්ඩායම: |
|
|
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
