Reply To:
Eranda - cb chds hcdsh cdshcsdchdhd
විසි එක් වැනි පොදුරාජ්ය මණ්ඩලීය ක්රීඩා උළෙලේ පළමු දිනය වූ අද (5 වැනිදා) පැවැති දෙවැනි වටයේ ස්කොෂ් පිරිමි කේවල තරගයකදී පරාජයට පත්වීම නිසා ශ්රී ලංකාවේ රවිඳු ලක්සිරිට එම ඉසව්වේ පෙර අර්ධ අවසන් පූර්ව වටයට සුදුසුකම් ලබාගැනීමට තිබූ අවස්ථාව අහිමි විය.
අද පෙරවරුවේදී පැවැති ස්කොෂ් පිරිමි කේවල ඉසව්වේ මූලික වටයේ තරගයකදී ෆීජී ක්රීඩක රෝමිත් පර්ෂෝත්තම් වට 3-0 ක් ලෙස පරාජය කරමින් රවිඳු දෙවැනි වටයට සුදුසුකම් ලාබගත්තේය. එහෙත් අද පස්වරුවේදී පැවැති දෙවැනි වටයේ තරගයේදී ස්කොට්ලන්ත ක්රීඩක ග්රෙග් ලොබ්බන් හමුවේ වට 3-0 ක් ලෙස පරාජය වීම නිසා ඔහුට පෙර අර්ධ අවසන් පූර්ව වටයට සුදුසුකම් ලබාගැනීමට නොහැකි විය.
අද පැවැති ස්කොෂ් කාන්තා කේවල ඉසව්වේ මූලික වටයේ තරගයකදී නවසීලන්තයේ ඇමැන්ඩා ලැන්ඩර්ස් හමුවේ වට 3-0 ක් ලෙස පරාජයට පත් වීම නිසා ශ්රී ලංකා ක්රීඩිකා මිහිලියා මෙත්සරණිටද තරගාවලියෙන් ඉවත් වීමට සිදුවූවාය.
ශ්රී ලංකා ක්රීඩක ක්රීඩිකාවෝ සහභාගි වූ තරග
රවිඳු ලක්සිරි (ශ්රී ලංකාව) විසින් තරග වට 3-0 ක් ලෙස රෝමිත් පර්ෂෝත්තම් (ෆීජී) පරාජය කරන ලදි. (11/2, 11/2, 11/5)
ග්රෙග් ලොබ්බන් (ස්කොට්ලන්තය) විසින් තරග වට 3-0 ක් ලෙස රවිඳු ලක්සිරි (ශ්රී ලංකාව) පරාජය කරන ලදි. (11/8, 11/8, 11/6)
ඇමැන්ඩා ලැන්ඩර්ස් (ස්කොට්ලන්තය) විසින් තරග වට 3-0 ක් ලෙස මිහිලියා මෙත්සරණි (ශ්රී ලංකාව) පරාජය කරන ලදි. (12/10, 11/9, 11/4)
-036
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.