රවිඳුගේ පන්දු යැවීම මාරිස්ටෙලා විදුහලට ජය ගෙනෙයි

‘සිංගර් කුසලාන’ වයස 19 න් පහළ ක්‍රිකට් තරගාවලියේ පළමු කොටසේ තරගයකදී කෝට්ටේ ජනාධිපති විද්‍යාලයට එරෙහිව ලකුණු 135 ක ජයක් හිමිකර ගැනීමට මීගමුව මාරිස්ටෙලා විද්‍යාලය ඊයේ (24 වැනිදා) සමත්විය. මෙම තරගය කටුනේරිය සෙබස්තියන් විද්‍යාලයීය ක්‍රීඩාංගණයේදී පැවැත්විණි.

පළමු ඉනිමේදී කඩුලු 4 ක් සහ දෙවැනි ඉනිමේදී කඩුලු 6 ක් සමගින් තරගයේ කඩුලු 10 ක් දවාගනිමින් පන්දුවෙන් දස්කම් දැක්වීමට මීගමුව මාරිස්ටෙලා විද්‍යාලයේ රවිඳු ප්‍රනාන්දු සමත්විය.

මාරිස්ටෙලා පළමු ඉනිමේදී කඩුලු 6 ක් දවාගැනීමට කෝට්ටේ ජනාධිපති විද්‍යාලයේ තෂික නිර්මාල් සමත්වූ අතර දිනිත් නෙලුම්දෙණිය දෙවැනි ඉනිමේදී කඩුලු 5 ක් දවාගත්තේය.

මාරිස්ටෙලා විද්‍යාලය - පළමු ඉනිම - ඕවර 43 කදී සියලුදෙනා දැවී ලකුණු 168
(තිලින පෙරේරා නොදැවී 28, චතුර අනුරාධ 27, කෙවින් පෙරේරා 20, රවිඳු ප්‍රනාන්දු 24, තෂික නිර්මාල් 50/6, නුරාන් පෙරේරා 15/2)

ජනාධිපති විද්‍යාලය - පළමු ඉනිම - ඕවර 36.2 කදී සියලුදෙනා දැවී ලකුණු 88
(රවිඳු ප්‍රනාන්දු 23/4, ප්‍රමෝද් කාවින්ද 20/2, අවීෂ කේෂාන් 26/2)

මාරිස්ටෙලා විද්‍යාලය - දෙවැනි ඉනිම - ඕවර 35 කදී කඩුලු 7 ක් දැවී ලකුණු 118
(රොෂේන් ප්‍රනාන්දු 36, දිනිත් නෙලුම්දෙණිය 38/5)

ජනාධිපති විද්‍යාලය - දෙවැනි ඉනිම - ඕවර 22.1 කදී සියලුදෙනා දැවී ලකුණු 63
(රවිඳු ප්‍රනාන්දු 26/6, පසිඳු උස්හෙට්ටි 33/3)