මේරියන්ස් සුපිරි වටයේ ඉදිරියටම

අන්තර් සමාජ පළමු පෙළ ක්‍රිකට් තරගාවලියේ සුපිරි කණ්ඩායම් අට සමගින් පැවැත්වෙන තරග වටයේ දෙවැනි සතිය අවසන්වන විට ප්‍රසාද ලකුණු සටහනේ තවත් ඉදිරියට යෑමට ප්‍රසාද ලකුණු 82.02 ක් ලබාගත් හලාවත මේරියන්ස් කණ්ඩායම සමත්විය.

මූලික වටයේ රැස්කළ ප්‍රසාද ලකුණු සමගින් සුපිරි වටය සදහා පැමිණි හලාවත මේරියන්ස් කණ්ඩායම තරග 5 කට සහභාගිවී ඉන් තරග 4 ක් ජයගෙන ඇති අතර එක් තරගයක ලකුණු සමවීමෙන් අවසන්වී ඇත.

ප්‍රසාද ලකුණු 70.81 ක් ලබාගත් එස්.එස්.සී. කණ්ඩායම දෙවැනි ස්ථානයෙත් ප්‍රසාද ලකුණු 54.01 ක් ලබාගත් බී.ආර්.සී. කණ්ඩායම ප්‍රසාද ලකුණු සටහනේ තෙවැනි ස්ථානයෙත් පසුවන්නේය.

පළඟ ශූරතාව සදහා පැවැත්වෙන තරග වටයේ දෙවැනි සතිය අවසන්වන විට ප්‍රසාද ලකුණු සටහනේ පෙරමුණ ගැනීමට ප්‍රසාද ලකුණු 42.74 ක් ලබාගත් ද්‍රවිඩ සංගම් පිල සමත්විය.

බදුරලිය කණ්ඩායම ප්‍රසාද ලකුණු 36.24 ක් ලබාගනිමින් දෙවැනි ස්ථානයෙත් යුදහමුදා කණ්ඩායම ප්‍රසාද ලකුණු 35.95 ක් ලබාගනිමින් ප්‍රසාද ලකුණු සටහනේ තෙවැනි ස්ථානයෙත් පසුවන්නේය.