මහිඳුගේ පන්දු යැවීම නාලන්දාවට ජය ගෙනෙයි

මහිඳු මලිත්ගේ විශිෂ්ට පන්දු යැවීම හමුවේ අන්තර් පාසල් වයස 15 න් පහළ ‘සිංගර් කුසලාන’ ක්‍රිකට් තරගාවලියේ වැලිවේරිය මද්දුම බණ්ඩාර මහ විදුහලට එරෙහිව වැලිවේරියේදී පැවැති III කොටසේ තරගයෙන් කඩුලු 9 ක ජයක් අත්කර ගැනීමට මිනුවන්ගොඩ නාලන්දා මැදි විදුහල සමත් විය. 

පළමු ඉනිමේදී ලකුණු 12 කට කඩුලු 7 ක් දවාගත් මහිඳු, ඉන් නොනැවතී දෙවැනි ඉනිමේදීද ලකුණු 29 කට කඩුලු 5 ක් දවාගත්තේ සමස්ත තරග පුරා ඔහු දවාගත් මුලු කඩුලු සංඛ්‍යාව 12 ක් දක්වා ඉහළ නංවා ගනිමිනි. 

මද්දුම බණ්ඩාර මහ විදුහල් පළමු ඉනිම - ඕවර 28 කදී සියලු දෙනා දැවී 80 
(සෙනිර ප්‍රමෝද්‍ය 28, මහිඳු මලිත් 12/7) 

නාලන්දා මැදි විදුහල් පළමු ඉනිම - ඕවර 15 කදී කඩුලු 3 ක් දැවී 85 
(නඳුන් කල්හාර 35, සචිරු හංසල 22) 

මද්දුම බණ්ඩාර මහ විදුහල් දෙවැනි ඉනිම - ඕවර 23.4 කදී සියලු දෙනා දැවී 62 
(මහිඳු මලිත් 29/5, නඳුන් කල්හාර 33/5) 

නාලන්දා මැදි විදුහල් දෙවැනි ඉනිම - ඕවර 7.2 කදී කඩුල්ලක් දැවී 60 
(නඳුන් කල්හාර නොදැවී 26)