පන්දු යවන්නෝ කොළඹ රාජකීයයන්ට ඉනිමක ජයක් ගෙනෙති

‘සිංගර් කුසලාන’ වයස 19 න් පහළ ක්‍රිකට් තරගාවලියේ දෙවැනි කොටසේ තරගයකදී ගම්පහ බණ්ඩාරනායක විද්‍යාලයට එරෙහිව ඉනිමක සහ ලකුණු 102 ක ජයක් හිමිකර ගැනීමට කොළඹ රාජකීය විද්‍යාලය ඊයේ (17 වැනිදා) සමත්විය. මෙම තරගය කොළඹ රාජකීය විද්‍යාලයීය ක්‍රීඩාංගණයේදී පැවැත්විණි.

අෂාන් වික්‍රමසිංහ (88) සහ පසිඳු සූරියබණ්ඩාර (65) අර්ධ ශතක ලබාගනිමින් කොළඹ රාජකීය විද්‍යාලය වෙනුවෙන් පිත්තෙන් දස්කම් දැක්වූ අතර කමිල් මිෂාර කඩුලු 6 ක් දවාගනිමින් පන්දුවෙන් දස්කම් දැක්වීය.

බණ්ඩාරනායක විද්‍යාලය - පළමු ඉනිම - ඕවර 38.3 කදී සියලුදෙනා දැවී ලකුණු 105
(අරෝෂ්  වික්‍රමගේ 28, සිසිත මදනායක 25, ළහිරු මදුශංක 32/3, මනුල පෙරේරා 41/3, කනික දයාරත්න 10/2)

රාජකීය විද්‍යාලය - පළමු ඉනිම - ඕවර 64.3 කදී කඩුලු 8 ක් දැවී ලකුණු 281
(අෂාන් වික්‍රමසිංහ 88, පසිඳු සූරියබණ්ඩාර 65, තෙවිඳු සේනාරත්න 48, තිතිර වීරසිංහ 27, කමිල් මිෂාර 25, ගයාෂාන් හෙට්ටිආරච්චී 71/4, කවිශ්ක තිලක්ෂණ 59/3)

බණ්ඩාරනායක විද්‍යාලය - දෙවැනි ඉනිම - ඕවර 30.3 කදී සියලුදෙනා දැවී ලකුණු 74
(ගයාෂාන් හෙට්ටිආරච්චී 29, කමිල් මිෂාර 31/6, මනුල පෙරේරා 28/2)