නවෝද් පරණවිතානගෙන් ශතකයක්

ශ්‍රී ලංකා ක්‍රිකට් ආයතනය සංවිධානය කරන වයස 15 න් පහළ 'ප්‍රිමා' කුසලාන අන්තර් පළාත් ක්‍රිකට් තරගාවලියේදී උතුරු පළාත් කණ්ඩායම පරදවා ලකුණු 220 කින් ජය ගැනීමට දකුණු පළාත් කණ්ඩායම ඊයේ (23 වැනිදා) සමත්විය. මෙම තරගය රත්ගම මහජන ක්‍රීඩාංගණයේදී පැවැත්විණ.
දකුණු පළාත් කණ්ඩායමේ නවෝද් පරණවිතාන (100) ශතකයක් සහ පවන් සංදේශ් (76) අර්ධ ශතකයක් ලබාගනිමින් පිත්තෙන් දස්කම් දැක්වූහ.

දකුණු පළාත - ඕවර 49.5 කදී සියලු දෙනා දැවී ලකුණු 299
(නවෝද් පරණවිතාන 100, පවන් සංදේශ් 76, ඒ. දිනෝෂන් 55/3, පී. ජතුර්ෂන් 37/2, ඩී. ඩැනිසියන් 72/2)

උතුරු පළාත - ඕවර 30.5 කදී සියලු දෙනා දැවී ලකුණු 79
(ඩී.ජොනතන් 46, නවිඳු පැහැසර 17/2, මනූෂ සචින්ත 25/2, කුෂාන් මදූෂ 07/2, ලොහාන් අරෝෂ 12/2)