ඩැනියෙල්ගෙන් ශතකයක්

‘සිංගර් කුසලාන’ වයස 19 න් පහළ ක්‍රිකට් තරගාවලියේ පළමු කොටසේ තරගයකදී කුරුණෑගල මලියදේව විද්‍යාලයට එරෙහිව පළමු ඉනිමේ ජයක් ලබාගැනීමට කොළඹ ශාන්ත ජෝසප් විද්‍යාලය ඊයේ (20 වැනිදා) සමත්විය. මෙම තරගය කොළඹ ශාන්ත ජෝසප් විද්‍යාලයීය ක්‍රීඩාංගණයේදී පැවැත්විණි.

ශාන්ත ජෝසප් විද්‍යාලයේ ශෙවොන් ඩැනියෙල් ශතකයක් (116) ද, ශෙරාන් ෆොන්සේකා (83) සහ මිරංග වික්‍රමගේ (නොදැවී 61) අර්ධ ශතක ලබාගනිමින් පිත්තෙන් දස්කම් දැක්වූ අතර සාලින්ද සෙනෙවිරත්න කඩුලු 5 ක් දවාගනිමින් පන්දුවෙන් දස්කම් දැක්වීය.

මලියදේව විද්‍යාලයේ නිසංජය හෙට්ටිආරච්චී (73) අර්ධ ශතකයක් ලබාගනිමින් පිත්තෙන් දස්කම් දැක්වූ අතර පසිඳු තෙන්නකෝන් කඩුලු 5 ක් දවාගනිමින් පන්දුවෙන් දස්කම් දැක්වීය.

ශා.ජෝසප් විද්‍යාලය - පළමු ඉනිම - ඕවර 79 කදී සියලුදෙනා දැවී ලකුණු 341
(ශෙවොන් ඩැනියෙල් 116, ශෙරාන් ෆොන්සේකා 83, මිරංග වික්‍රමගේ නොදැවී 61, පසිඳු තෙන්නකෝන් 95/5, විදත් බටේපොල 41/2)

මලියදේව විද්‍යාලය - පළමු ඉනිම - ඕවර 66.4 කදී සියලුදෙනා දැවී ලකුණු 212
(නිසංජය හෙට්ටිආරච්චී 73, කවින් බණ්ඩාර 29, මුදිත ප්‍රේමදාස 26, සාලින්ද සෙනෙවිරත්න 59/5)

ශා.ජෝසප් විද්‍යාලය - දෙවැනි ඉනිම - ඕවර 10 කදී කඩුල්ලක් දැවී ලකුණු 40