Reply To:
Eranda - cb chds hcdsh cdshcsdchdhd
(ශානුක අරවින්ද)
ශ්රී ලංකා ස්කොෂ් සම්මේලනය 36 වැනි වරටත් සංවිධානය කරන ජාතික කනිෂ්ඨ ස්කොෂ් ශූරතාවලිය හෙට (15 වැනිදා) සිට එළබෙන 24 වැනිදා දක්වා රත්මලාන ගුවන් හමුදා ස්කොෂ් ක්රීඩාංගණයේදී පැවැත්වේ.
සිලෝන් බිස්කට් සමාගමේ රිට්ස්බරි චොකලට් අනුග්රහයෙන් පැවැත්වෙන මෙවර ජාතික කනිෂ්ඨ ස්කොෂ් ශූරතාවලිය සඳහා දිවයින පුරා පාසල් රැසක ක්රීඩක ක්රීඩිකාවන් 450 කට වැඩි පිරිසක් එක්ව සිටින අතර ශ්රේණිගත කිරීම්හි ඉදිරියෙන්ම සිටින කනිෂ්ඨ ක්රීඩක ක්රීඩිකාවෝද ඊට ඇතුළත් වෙති.
එහිදී බාලක සහ බාලිකා වයස අවුරුදු 9 න් පහළ, 11 න් පහළ, 13 න් පහළ, 15 න් පහළ, 17 න් පහළ සහ 19 න් පහළ යන වයස් කාණ්ඩ යටතේ තරග පැවැත්වේ. ඊට අමතරව නවක ක්රීඩක ක්රීඩිකාවන් වෙනුවෙන් වයස අවුරුදු 11 න් පහළ, 15 න් පහළ යන වයස් කාණ්ඩ යටතේ ආධුනික තරගද පැවැත්වේ.
වසරේ කනිෂ්ඨ ජාතික ශූරයා සහ ශූරිය තෝරා ගැනෙන වයස 19 න් පහළ බාලක සහ බාලිකා කේවල අවසන් මහ තරග 24 වැනිදා පස්වරුවේ පැවැත්වෙන අතර ඉන් අනතුරුව තරගාවලියේ ත්යාග ප්රධානෝත්සවය පැවැත්වීමට නියමිතය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.