(කුරුණෑගල ජනුර් කිචිලාන් )
දකුණු ආසියානු යොවුන් කරාතේ තරගාවලියේදී ශ්රී ලංකා ජාතික කණ්ඩායම නියෝජනය කළ කුරුණෑගල ශාන්ත ආනා විද්‍යාලයේ ක්රීඩකයෝ රන් පදක්කම් දිනාගත්හ. මෙම ක්‍රීඩකයන් සිව් දෙනා පිළිගැනීමේ උත්සවයක් විදුහල්පති චන්දන හපුආරච්චි පියතුමා ගේ ප‍්‍රධානත්වයෙන් ඉකුත් දා කුරුණෑගල ශාන්ත ආනා විද්‍යාලයේදී පැවැත්විණි.
ශ්රී ලංකාව, ඉන්දියාව, නේපාලය, පකිස්ථානය, භූතානය සහ බංගලාදේශය යන රටවල ක්‍රීඩක ක්‍රීඩිකාවෝ මෙම තරගාවලියට සහභාගි වූහ.
මෙම තරගාවලියේදී වයස අවුරුදු 14 න් පහළ කේවල කාතා ඉසව්වෙන් වට හතරක් ක‍්‍රීඩා කරමින් අවසාන මහා තරගයේ දී ඉන්දියාව පරාජය කරමින් ප‍්‍රථම ස්ථානය දිනා රන් පදක්කම හිමකර ගැනීමට අකේන් පෙරේරා සමත් විය.
14 න් පහළ කේවල කාතා කණ්ඩායම් ඉසව්වේදීත් අකේන් පෙරේරා, සඳරැස් වික‍්‍රමරත්න, රයන් ගුණතිලක සහ තරිෂ රණතුංග එක්ව රන් පදක්කම දිනාගත්හ.
මෙම ක‍්‍රීඩකයින් සහ ක‍්‍රීඩා භාර ආචාර්ය ධම්මික දිසානායක, පුහුණුකරු රසල් හිරාන් ක්‍රෝනම්බර්ග් යන මහත්වරුන් විද්‍යාලයේ ජනාධිපති බාලදක්ෂ පදක්කම් ලාභීන්, විදුහලේ තූර්යවාදක කණ්ඩායම පෙරටුව පිළිගන්නා ලදහ. අනතුරුව ඔවුන් ඇගයිමේ උත්සවයක් පවත්වන ලදී,
මෙම අවස්ථාවට ආදිශිෂ්‍ය සංගමයේ සභාපති අසංක ජයසිංහ මහතා සහ දෙමව්පියන් ඇතුළු විශාල පිරිසක් සහභාගි වූහ.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
