‘සිංගර් කුසලාන’ අන්තර් පාසල් වයස 15 න් පහළ II වැනි කොටසේ අවසන් මහා තරගය වත්තල ශා. ජෝසප් විද්‍යාලය සහ මොරටුව වේල්ස් කුමර විද්‍යාලීය ‘බී’ කණ්ඩායම් අතර හෙට සහ අනිද්දා (12 සහ 13) කොළඔ කැම්බල් පිටියේදී පැවැත්වීමට කටයුතු යොදා ඇත.
වත්තල ශා. ජෝසප් විද්‍යාලීය කණ්ඩායම මෙහෙයවීමේ වගකීම ඉසුරු උදානට හිමිවී තිබෙන අතර මොරටුව වේල්ස් කුමර විද්‍යාලීය ‘බී’ කණ්ඩායම මෙහෙයවීමේ වගකීම යොහාන් කාරියවසම්ට හිමිවී තිබේ.
අර්ධ අවසන් පූර්ව තරගවලදී තර්ස්ටන් විද්‍යාලීය ‘බී’ කණ්ඩායම ඉනිමකින් සහ ලකුණු 24 කින් පරාජය කරමින් වත්තල ශා. ජෝසප් විද්‍යාලය අවසන් පූර්ව වටයට සුදුසුම් ලබාගත් අතර අවසන් පූර්ව තරගයේදී කොළඹ ශා. ජෝසප් විද්‍යාලය කඩුලු තුනකින් පරාජය කරමින් වත්තල ශා. ජෝසප් විද්‍යාලය අවසන් මහ තරගයට සුදසුකම් ලබාගත්තේය.
හෝමාගම මධ්‍ය මහා විද්‍යාලය පළමු ඉනිමේදී පරාජය කරමින් අවසන් පූර්ව වටයට සුදුසුකම් ලබාගත් මොරටුව වේල්ස් කුමර විද්‍යාලීය ‘බී’ කණ්ඩායම කැළණිය විද්‍යාලයට එරෙහිව පළමු ඉනිමේ ජයක් අත්කරගනිමින් අවසන් මහා තරගයට සුදුසුකම් ලබාගැනීමට සමත්විය
|
ඉසුරු උදාන (නායක) |
 යොහාන් කාරියවසම් (නායක) මොරටුව වේල්ස් කුමර විද්‍යාලය |
|
|
|
|
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
