සා.තෝමස් විද්‍යාලයේ රවිඳුගෙන් ශතකයක්

‘සිංගර් කුසලාන’ වයස 19 න් පහළ ක්‍රිකට් තරගාවලියේ පළමු කොටසේ තරගයකදී මොරටුව වේල්ස් කුමර විද්‍යාලයට එරෙහිව ඉනිමක සහ ලකුණු 13 ක ජයක් හිමිකර ගැනීමට ගල්කිස්ස සාන්ත තෝමස් විද්‍යාලය ඊයේ (17 වැනිදා) සමත්විය. මෙම තරගය ගල්කිස්ස සාන්ත තෝමස් විද්‍යාලයීය ක්‍රීඩාංගණයේදී පැවැත්විණි.

ගල්කිස්ස සාන්ත තෝමස් විද්‍යාලයේ රවිඳු ද සිල්වා (නොදැවී 122) ශතකයක් ලබාගනිමින් පිත්තෙන් දස්කම් දැක්වූ අතර ඩිලාන් පිරීස් වේල්ස් කුමර විද්‍යාලයීය දෙවැනි ඉනිමේදී කඩුලු 6 ක් සහ දිල්මින් රත්නායක තරගය පුරා කඩුලු 6 ක් දවාගනිමින් පන්දුවෙන් දස්කම් දැක්වූහ.

වේල්ස් කුමර විද්‍යාලය - පළමු ඉනිම - ඕවර 46.4 කදී සියලුදෙනා දැවී ලකුණු 148
(ප්‍රින්ස් ප්‍රනාන්දු 54, කාවින්ද ඩිල්ෂාන් 21, දිල්මින් රත්නායක 24/4, ශැනන් ප්‍රනාන්දු 13/3, කළණ පෙරේරා 54/2)

සා.තෝමස් විද්‍යාලය - පළමු ඉනිම - ඕවර 66.2 කදී කඩුලු 6 ක් දැවී ලකුණු 300
(රවිඳු ද සිල්වා නොදැවී 122, උමයංග සුවාරිස් 66, ඩියොන් ප්‍රනාන්දු 47, ඩිල්මින් රත්නායක 33, කාවින්ද ඩිල්ෂාන් 51/2, කෞමාල් නානායක්කාර 109/2)

වේල්ස් කුමර විද්‍යාලය - දෙවැනි ඉනිම - ඕවර 42.5 කදී සියලුදෙනා දැවී ලකුණු 139
(තරිඳු අමරසිංහ 49, මිනුජ රංපුල් 28, ඩිලාන් පිරීස් 28/6, දිල්මින් රත්නායක 24/2)