(නාමල් පතිරගේ )
ආසියානු කුසලාන (2026) වයස 23 න් පහළ නිර්දේශ තරග වටයට සහභාගි වන ශ්‍රී ලංකාව කටාර් රාජ්‍යයේ ඩෝහා නගරයේදී පැවැති සුහද තරගයකදී සිරියාවට ගෝල 3 - 0 ක පරාජයක් ලැබීය.
එම තරග වටයට සහභාගි වීමට යන ගමනේදී ශ්‍රී ලංකාව කාටාර් ජාතික පාපන්දු සම්මේලනයේ ඇරැයුමෙන් ඩෝහා නගරයට ළගා වූයේ පෙර පුහුණු සැසිවාරයකට සහභාගිවීම සදහාය. එහිදී කටාර වයස 23 න් පහළ කණ්ඩායම සමග පැවැති පළමු තරගය 1-1ක් ලෙස සම කිරීමට හැකිවීමෙන් ශ්‍රී ලංකාවට එහිදී වඩාත් ප්‍රශංසනීය තත්වයක් හිමි විය.
ඒ අනුව කාන්ඩ11 කින් සමන්විත නිර්දේශ තරගාවලියේ ඊ කාන්ඩයේ තරග වටයට සහභාගිවීම සදහා සංචාරක ශ්‍රී ලංකා වයස 23 න් පහළ ජාතික පාපන්දු කණ්ඩායම කටාරයේ සිට සත්කාරක කිරිගිස්ථානයේ බිෂ්කෙක් නුවරට ඊයේ (31) ළගාවී සිටියේය. ඒ අනුව සැප්තැම්බර් 3 - 6 - 9 යන දිනවලදී පිළිවෙලින් උස්බෙකිස්තානය, පලස්තීනය හා කිරිගිස්ථානය සමග ශ්‍රී ලංකාව ඊ කාන්ඩයේ මූලික වටයේ තරග තුනකට සහභාගි වෙයි.
2026 ආසියානු කුසලාන වයස 23 න් පහළ ආසියානු තරගාවලියේ (අවසන් වටය) සත්කාරය දරන්නේ සෞදි අරාබියයි.ඒ සදහා කාන්ඩ 11 ශූරයන් හා සත්කාරක රාජ්‍යය තරග වදියි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
