රිච්මන්ඞ් විද්‍යාලයට පළමු ඉනිමේ ජයක්

‘සිංගර් කුසලාන’ වයස 19 න් පහළ ක්‍රිකට් තරගාවලියේ පළමු කොටසේ තරගයකදී කොළඹ ආනන්ද විද්‍යාලයට එරෙහිව පළමු ඉනිමේ ජයක් ලබාගැනීමට ගාල්ල රිච්මන්ඞ් විද්‍යාලය ඊයේ (20 වැනිදා) සමත්විය. මෙම තරගය සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී පැවැත්විණි.

රිච්මන්ඞ් විද්‍යාලයේ ආදිත්‍ය සිරිවර්ධන (55) සහ විමුද් සප්නක (55) අර්ධ ශතක ලබාගනිමින් පිත්තෙන් දස්කම් දැක්වූහ. ආනන්ද විද්‍යාලයේ කමේෂ් නිර්මාල් (56) ශතකයක් ලබාගනිමින් පිත්තෙන්ද, ජනිඳු ජයවර්ධන කඩුලු 5 ක් දවාගනිමින් පන්දුවෙන්ද දස්කම් දැක්වූහ.

රිච්මන්ඞ් විද්‍යාලය - පළමු ඉනිම - ඕවර 67 කදී කඩුලු 8 ක් දැවී ලකුණු 277
(ආදිත්‍ය සිරිවර්ධන 55, විමුද් සප්නක 55, දිමුත් සඳරුවන් 44, භානුක මනෝහර 30, විනුජ කිරිඇල්ල 25, දිලුම් සුදීර 24, ජනිඳු ජයවර්ධන 98/5, ලක්ෂිත අමරසේකර 49/2)

ආනන්ද විද්‍යාලය - පළමු ඉනිම - ඕවර 48 කදී සියලුදෙනා දැවී ලකුණු 110
(කමේෂ් නිර්මාල් 56, විනුජ විජේබණ්ඩාර 24, අම්ෂී ද සිල්වා 35/4, කල්ප නෙත්සර 25/3, දිලුම් සුධීර 43/3)

ආනන්ද විද්‍යාලය - දෙවැනි ඉනිම - ඕවර 20 කදී කඩුලු 3 ක් දැවී ලකුණු 52
(කමේෂ් නිර්මාල් නොදැවී 35, සුගීත් නිම්නද 20/2)