Last Update  :  2025-08-30 19:11:00 About Contact
Follow Us -
IMG-LOGO
නිවස්න පිටුව Latest news මයිලෝ පාසල් දැල්පන්දු අවසන් වටයට කණ්ඩායම් 430 ක්

මයිලෝ පාසල් දැල්පන්දු අවසන් වටයට කණ්ඩායම් 430 ක්

editorial - 2025 අගෝ මස 13 {{hitsCtrl.values.hits}} Views 0 Comment
A A A

(නාමල් පතිරගේ)

කුරුණෑගලදී සිකුරාදා (15) ආරම්භ වන ශ්‍රී ලංකා පාසල් දැල්පන්දු (නෙට්බෝල්) තරගාවලියේ (2025) අවසන් වටයට කණ්ඩායම් 430 ක් නිර්දේෂවී සිටියි.

අවසන් වටය හා අවසන් මහ තරග ලබන ඉරිදා (16 - 17) දක්වා කුරුණෑගල මාළිගා පිටියේදී හා  කුරුණෑගල ශ්‍රීමත් ජෝන් කොතලාවල පිටියේදී පැවැත්වේ.

ඉරිදා පස්වරු 5 සිට අවසන් මහ තරග කුරුණෑගල මාළිගා පිටියේදී පැවැත්වේ. වෙනත් වසර වලදී මෙන් මෙවරත් වයස 13 න් පහළ,15 න් පහළ,17 න් පහළ හා 19 න් පහළ යන වයස් කාන්ඩ හතරකින් ඒ හා බී යන දෙඅංශයකින් තරග පැවැත්වේ.

ශ්‍රී ලංකා පාසල් දැල්පන්දු සංගමයේ සභ    සභාපතිනී, කුරුණෑගල මලියදේව බාලිකා විදුහල්පතිනී නිරෝධා ජයවික්‍රම මහත්මිය පැවැසුවේ මෙවර විශේෂත්වයක් වන්නේ වයස 13 න් පහළ කාණ්ඩය  මෙතෙක් පැවැති විවෘත තරග ක්‍රමය රටාවෙන් ඉවත් කර ඒ හා බී යන කාණ්ඩ දෙකකින් පැවැත්වීමට තීරණය කළ බවයි.

දුර බැභැර දුෂ්කර හා කුඩා පාසල් වලට වඩාත් ඉඩකඩක් එම කාණ්ඩයේ තරගාවලියේ විවර කර දීම සදහා එම පියවර ගත් බව ඇය පැවැසුවාය.

තරගමාලාවේ මූලික වටය දිවයිනේ මධ්‍යස්ථාන 15 කදී පාසල් 1500 ක පමණ කණ්ඩායම් සහභාගිත්වයෙන් පැවැත්විණි.ළාබාල ක්‍රීඩිකාවන් ඇගයීමේ අරමුණින් වයස 13 න් පහළ කාණ්ඩයේ ඒ හා බී යන තරගාවලි දෙකේම කණ්ඩායම් 15 ක් දක්වා සහතික පත් හා ජය සංකේත ප්‍රදානය කෙරේ.

දිවයිනේ වාර්ෂික ප්‍රමුඛතම පාසල් දැල්පන්දු තරගමාලාව සදහා මෙවර 32 වැනි වතාවටත් (ආරම්භයේ පටන්ම) මයිලෝ සන්නාමය යටතේ නෙස්ලේ ලංකා සමාගම අනුග්‍රහය දක්වයි.


අදහස් (0)

මයිලෝ පාසල් දැල්පන්දු අවසන් වටයට කණ්ඩායම් 430 ක්

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.