ඩිමෝ ලංකා අවසන් පූර්ව වටයට

වෙළඳ සේවා ක්‍රිකට් සංගමය සංවිධානය කරන විස්සයි20 ‘ඒ’ කොටසේ ක්‍රිකට් තරගාවලියේ අවසන් පූර්ව වටය සදහා සුදුසුකම් ලබාගැනීමට ඩිමෝ ලංකා ‘ඒ’ කණ්ඩායම අද (16 වැනිදා) සමත්විය.

මොරටුව ද සොයිසා ක්‍රීඩාංගණයේදී පැවැති අර්ධ අවසන් පූර්ව වටයේ තරගයකදී හේලීස් ගෲප් ‘ඒ’ කණ්ඩායමට එරෙහිව ලකුණු 23 ක ජයක් හිමිකර ගැනීමට ඩිමෝ ලංකා ‘ඒ’ කණ්ඩායම සමත්විය.

ඩිමෝ ලංකා ‘ඒ’ කණ්ඩායම වෙනුවෙන් තික්ෂිල ද සිල්වා (66) සහ හෂාන් දුමිඳු (50) අර්ධ ශතක රැස්කරමින් පිත්තෙන් දස්කම් දැක්වූහ.

ඩිමෝ ලංකා - ඕවර 20 කදී කඩුලු 6 ක් දැවී ලකුණු 182
(තික්ෂිල ද සිල්වා 66, හෂාන් දුමිඳු 50, සම්මු අශාන් 28, රමේෂ් මෙන්ඩිස් නොදැවී 20, හර්ෂ රාජපක්ෂ 17/2, ඇන්ඩි සොලමන්ස් 30/2)

හේලීස් ගෲප් - ඕවර 20 කදී කඩුලු 9 ක් දැවී ලකුණු 159
(රොන් චන්ද්‍රගුප්ත 48, එස්. නිමේෂ 22, තික්ෂිල ද සිල්වා 18/2)