ටෙස්ට් තරග 127 කදී ද්විත්ව ශතක 10 ක් ලබාගනිමින් ලෝකයේ වැඩිම ටෙස්ට් ද්විත්ව ශතක ලාභීන් අතර දෙවැනි ස්ථානයට පත්වූ නමුත් වාසනාවේ දෙව්දුව ඔහු සමග සිටියා නම් ටෙස්ට් ද්විත්ව ශතක 13 ක් ලබාගනිමින් අසහාය පිතිකරු ශී‍්‍රමත් ඩොනල්ඞ් බ‍්‍රැඞ්මන් පසුකර යාමේ අවස්ථාවත් කුමාර් සංගක්කාරට තිබිණ.
වසර දෙකකට ඉහත පාකිස්තානු පිලට එරෙහිවම ගාල්ලේදී පැවැති ටෙස්ට් තරගයේදී සංගක්කාර ලකුණු 199 ක් ලබා නොදැවී සිටියදී කණ්ඩායමේ සියලූම පිතිකරුවෝ දැවී ගියහ. එම සිදුවීමෙන් දින 8 කට පසුව, කොළඹ එස්. එස්. සී. පිටියේදී පැවැති ටෙස්ට් තරගයේදී නැවත වරක් ද්විත්ව ශතකය සොයා යන සංගක්කාර ලකුණු 192 දී දැවී යන්නේ අබ්දුර් රෙහෙමාන්ගේම පන්දුවකට තවුෆීක් උමාර් උඩපන්දුවක් රැකගැනීමෙනි.
අදින් වසර 7 කට පොරතුව ඕස්ටේ‍්‍රලියාවට එරෙහිව හොබාර්ට්හිදී පැවැති ටෙස්ට් තරගයේදී ලකුණු 507 ක ඉලක්කයක් කරා යමින් සිටි ශී‍්‍ර ලංකා පිල වෙනුවෙන් අති විශිෂ්ට පිතිහරඹයක යෙදෙමින් ලකුණු 192 ක් ලබාගත් සංගක්කාරට බලාපොරොත්තු කඩවුණු මුහුණින් ආපසු කී‍්‍රඩාගාරයට යාමට සිදුවූයේ විනිසුරුවරයාට වැරදීමක් වූ බැවිනි. එකල විනිසුරු තීරණ විමසීමේ ක‍්‍රමවේදය නොතිබිණ.
සංගක්කාරගේ ද්විත්ව ශතක 10 සහ ගිළිහුණු අවස්ථා 3
| ලකුණු | පන්දු | රට | ස්ථානය | 6 පහර | 4 පහර | වසර |
| 319 | 482 | බංග්ලාදේශය | චිතගෝන්හිදී | 8 | 32 | 2014 |
| 287 | 457 | දකුණු අප්‍රිකාව | කොළඹදී (එස්. එස්. සී. පිටිය) | 0 | 35 | 2006 |
| 270 | 365 | සිම්බාබ්වේ | බුලවායෝහිදී | 2 | 36 | 2004 |
| 232 | 357 | දකුණු අප්‍රිකාව | කොළඹදී (එස්. එස්. සී. පිටිය) | 1 | 31 | 2004 |
| 230 | 327 | පාකිස්තානය | ලාහෝර්හිදී | 3 | 33 | 2002 |
| 222* | 277 | බංග්ලාදේශය | නුවරදී | 0 | 28 | 2007 |
| 221 | 425 | පාකිස්තානය | ගාල්ලේදී | 0 | 24 | 2014 |
| 219 | 335 | ඉන්දියාව | කොළඹදී (එස්. එස්. සී. පිටිය) | 0 | 29 | 2010 |
| 211 | 431 | පාකිස්තානය | අබුඩාබිහිදී | 0 | 18 | 2011 |
| 200* | 325 | බංග්ලාදේශය | කොළඹදී (ඕවල් පිටිය) | 2 | 20 | 2007 |
| 199 | 387 | පාකිස්තානය | ගාල්ලේදී | 2 | 18 | 2012 |
| 192 | 282 | ඕස්ට්‍රෙලියාව | හොබාර්ට් | 1 | 27 | 2007 |
| 192 | 351 | පාකිස්තානය | කොළඹදී (එස්. එස්. සී. පිටිය) | 1 | 15 | 2012 |
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
