සෙබස්තියන් විදුහලට ඉනිමක ජයක්

කටුනේරිය ශාන්ත සෙබස්තියන් විදුහල සහ රාජගිරිය ශ්‍රී ජයවර්ධනපුර මහ විදුහල අතර වෙන්නප්පුවේදී පැවැති අන්තර් පාසල් වයස 19 න් පහළ ‘සිංගර් කුසලාන’ ක්‍රිකට් තරගාවලියේ II කාණ්ඩයේ තරගයෙන් ඉනිමක සහ ලකුණු 9 ක ජයක් අත්කර ගැනීමට ශාන්ත සෙබස්තියන් විදුහල සමත් විය.

කවිඳු ඉරෝෂ් (95) සහ නිමේෂ් ධනංජය (නොදැවී 56) ශාන්ත සෙබස්තියන් විදුහල වෙනුවෙන් අර්ධ ශතක ලබාගත් අතර දිෂාන් ප්‍රමෝද් සහ රවිඳු දිල්ෂාන් කඩුලු 6 බැගින් දවාගනිමින් දක්ෂ පන්දු යැවීමක නිරත වූහ.

ශාන්ත සෙබස්තියන් විදුහල පළමු ඉනිම - ඕවර 80 කදී කඩුලු 8 ක් දැවී 302
(කවිඳු ඉරෝෂ් 95, නිමේෂ් ධනංජය නොදැවී 56, රෂ්මික මෙන්ඩිස් 38, ශෙෂාන් උදාර 39, ලක්ෂිත පෙරේරා 87/4, චතුර බණ්ඩාර 86/3)

ශ්‍රී ජයවර්ධනපුර මහ විදුහල පළමු ඉනිම - ඕවර 62.5 කදී සියලු දෙනා දැවී 151
(ගිම්හාන සෙනෙවිරත්න 38, ලක්ෂිත පෙරේරා 23, නසීම් බදුර්දීන් 42, රවිඳු දිල්ෂාන් 30/3, ජෝජ් ප්‍රියශාන්ත 36/3, දිෂාන් ප්‍රමෝද් 38/2, ශෙෂාන් උදාර 23/2)

ශ්‍රී ජයවර්ධනපුර මහ විදුහල දෙවැනි ඉනිම - ඕවර 48.4 කදී සියලු දෙනා දැවී 142
(නසීම් බදුර්දීන් 47, රංසික සිරිවර්ධන 31, බුද්ධික චමින්ද 28, දිෂාන් ප්‍රමෝද් 46/4, අෂේන් චාරුක 16/3, රවිඳු දිල්ෂාන් 27/3)

- 036