සිරි කුරුස විදුහල අවසන් පූර්ව වටයට

‘සිංගර් කුසලාන’ වයස 19 න් පහළ සීමිත ඕවර ක්‍රිකට් තරගාවලියේ II වැනි කොටසේ අවසන් පූර්ව වටය සදහා සුදුසුකම් ලබා ගැනීමට කළුතර සිරි කුරුස විද්‍යාලය සමත්විය. මග්ගොන සරේ ක්‍රීඩාංගණයේදී ඊයේ (31 වැනිදා) පැවති අර්ධ අවසන් පූර්ව වටයේ තරගයකදී පානදුර සිරි සුමංගල විද්‍යාලය කඩුලු 3 කින් පරාජය කිරීමට කළුතර සිරි කුරුස විද්‍යාලයට අවස්ථාව හිමිවිය.

මලින්ද ජයෝද් (82) සහ උමයංග සුවාරිස් (නොදැවී 69) අර්ධ ශතක රැස්කරමින් කළුතර සිරි කුරුස විද්‍යාලය අවසන් පූර්ව වටය සදහා රැගෙන යාමට සමත් වූහ.

ශ්‍රී සුමංගල විද්‍යාලය - ඕවර 48.4 කදී සියලුදෙනා දැවී ලකුණු 233
(ඉසුරු උමංග 52, පසිඳු මදුශංක 47, නිපුන දේශාන් 29, මිරංග හර්ෂණ 21, විහඟ ගුණරත්න 30/3, දිල්හාර නානායක්කාර 43/3)

සිරි කුරුස විද්‍යාලය - ඕවර 46.1 කදී කඩුලු 7 ක් දැවී ලකුණු 237
(මලින්ද ජයෝද් 82, උමයංග සුවාරිස් නොදැවී 69, කළන හරේන්ද්‍ර 22, නිපුන දේශාන් 36/2, අනුක ප්‍රදීපික 44/2)