Last Update  :  2025-08-30 19:11:00 About Contact
Follow Us -
IMG-LOGO
නිවස්න පිටුව Cricket ශාන්ත පීතර විදුහල අවසන් පූර්ව වටයට

ශාන්ත පීතර විදුහල අවසන් පූර්ව වටයට

සංජය එරමුදුගොඩ - 2018 මාර් මස 31 {{hitsCtrl.values.hits}} Views 0 Comment
A A A

ශ්‍රී ලංකා පාසල් ක්‍රිකට් සංගමය සංවිධානය කරන වයස 19 න් පහළ ‘සිංගර් කුසලාන’ අන්තර් පාසල් සීමිත ඕවර ක්‍රිකට් තරගාවලියේ I කොටසේ අවසන් පූර්ව වටයට සුදුසුකම් ලබාගැනීමට බම්බලපිටිය ශාන්ත පීතර විදුහල සමත් විය.

කොළඹ තර්ස්ටන් විදුහලට එරෙහිව මරදාන ශාන්ත ජෝෂප් විදුහල් ක්‍රීඩාංගණයේදී පැවැති අර්ධ අවසන් පූර්ව තරගයේදී ලකුණු 16 ක පහසු ජයක් වාර්තා කරමින් ශාන්ත පීතර විදුහල තරගාවලියේ අවසන් පූර්ව වටයට සුදුසුකම් ලබාගත්තේය.

එහිදී ශාන්ත පීතර විදුහල වෙනුවෙන් අර්ධ ශතකයක් ලබාගැනීමට දිනිත් අංජුල (50) සමත් වූ අතර රන්මිත් ජයසේන (47) අර්ධ ශතකය පෙනි පෙනී දැවී ගියේය.

ජයග්‍රහණය සඳහා ලකුණු 165 ක ඉලක්කයක් හඹාගිය තර්ස්ටන් විදුහල ලකුණු 148 කට සීමා කිරීමට පුරෝගාමී වූ කනිෂ්ක මධුවන්ත ලකුණු 32 කට කඩුලු 4 ක් දවාගත්තේය.


ශාන්ත පීතර විදුහල - ඕවර 41.1 කදී සියලු දෙනා දැවී 164
(දිනිත් අංජුල 50, රන්මිත් ජයසේන 47, යේෂාන් වික්‍රමාරච්චි 17/3, අයේෂ් හර්ෂණ 28/3)

තර්ස්ටන් විදුහල - ඕවර 45.4 කදී සියලු දෙනා දැවී 148  
(සවන් ප්‍රභාෂ් 39, ජයවිහන් මහවිතාන 31, ජනුෂ්ක ප්‍රනාන්දු 23, කනිෂ්ක මධුවන්ත 32/4, සචින් සිල්වා 21/2, සන්තුෂ් ගුණතිලක 35/2)  

 


අදහස් (0)

ශාන්ත පීතර විදුහල අවසන් පූර්ව වටයට

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.