වීදූශන් උතුරු පළාතට ජය ගෙනෙයි

ටී.වීදූශන්ගේ (23/5) පන්දු යැවීම හමුවේ  වයස 19 න් පහළ අන්තර් පළාත් සීමිත ඕවර ක්‍රිකට් තරගාවලියේ අද (14 වැනිදා) පැවැති තරගයකදී උතුරු මැද පළාත් කණ්ඩායමට එරෙහිව ලකුණු 135 ක ජයක් හිමිකර ගැනීමට උතුරු පළාත් කණ්ඩායම සමත්විය. මෙම තරගය එන්.සී.සී. ක්‍රීඩාංගණයේදී පැවැත්විණි.

ඒ. බානුජන් (55) සහ ටී.දිනෝෂන් (50) අර්ධ ශතක ලබාගනිමින් තුරු පළාත් කණ්ඩායම වෙනුවෙන් පිත්තෙන් දස්කම් දැක්වූහ. දමිත් සමරවික්‍රම කඩුලු 5 ක් දවාගනිමින් උතුරු මැද පළාත් කණ්ඩායම වෙනුවෙන් පන්දුවෙන් දස්කම් දැක්වුවද ජයග්‍රහණය කරා කණ්ඩායම රැගෙන යාමට නොහැකිවිය.

උතුරු පළාත - ඕවර 47 කදී සියලුදෙනා දැවී ලකුණු 211
(ඒ. බානුජන් 55, ටී.දිනෝෂන් 50, දමිත් සමරවික්‍රම 47/5, ප්‍රමිල ධනංජය 39/1)

උතුරු මැද පළාත - ඕවර 19.5 කදී සියලුදෙනා දැවී ලකුණු 76
(අවිශ්ක සේනාධීර 21, ටී.වීදූශන් 23/5, එම්.අභිනාෂ් 09/2)