රේවත විද්‍යාලය පළමු ඉනිම ජයගනී

‘සිංගර් කුසලාන’ වයස 19 න් පහළ ක්‍රිකට් තරගාවලියේ දෙවැනි කොටසේ තරගයකදී කළුතර සිරිකුරුස විද්‍යාලයට එරෙහිව පළමු ඉනිමේ ජයක් ලබාගැනීමට බලපිටිය රේවත විද්‍යාලය අද (28 වැනිදා) සමත්විය. මෙම තරගය බණ්ඩාරගම මහජන ක්‍රීඩාංගණයේදී පැවැත්විණි.

කළුතර සිරිකුරුස විද්‍යාලයේ සසංක නිර්මාල් කඩුලු 9 ක් සහ දිල්හාර නානායක්කාර 8 ක් දවාගනිමින් තරගය පුරා පන්දුවෙන් දස්කම් දැක්වූහ.

රේවත විද්‍යාලය - පළමු ඉනිම - ඕවර 54.5 කදී සියලුදෙනා දැවී ලකුණු 155
(රමේෂ් ද සිල්වා 36, ගිම්හාන් ධනුෂ්ක 30, සසංක නිර්මාල් 23/4, දිල්හාර නානායක්කාර 44/3)

සිරිකුරුස විද්‍යාලය - පළමු ඉනිම - ඕවර 66.3 කදී සියලුදෙනා දැවී ලකුණු 151
(දහසිත පෙරේරා 41, තුහින ලෝඞ්ස් 35, රමේෂ් ද සිල්වා 44/4, චාමර ප්‍රියදර්ශණ 31/3, පහන් සංකල්ප 43/3)

රේවත විද්‍යාලය - දෙවැනි ඉනිම - ඕවර 32.5 කදී සියලුදෙනා දැවී ලකුණු 76
(සසංක නිර්මාල් 23/5, දිල්හාර නානායක්කාර 34/5)

සිරිකුරුස විද්‍යාලය - දෙවැනි ඉනිම - ඕවර 17.3 කදී කඩුලු 6 ක් දැවී ලකුණු 62
(බාෂිත පෙරේරා 20, සහන් සංකල්ප 16/2, රමේෂ් ද සිල්වා 23/2)