.jpg)
මාතර සාන්ත සර්වේශස් විදුහල සහ ශාන්ත තෝමස් විදුහල අතර 19 වැනි වරටත් පැවැති එක්දින තරගයේදී ඩක්වත් ලුවිස් න්‍යායට අනුව ලකුණු 07 කින් ජයගැනීමට ශාන්ත තෝමස් පිල සමත් විය. මෙතෙක් පැවති තරග 19 න් තරගයක් විසඳුමකින් තොරව අවසන්වු අතර මේ වන විට දෙපිලම තරග නවය බැගින් ජය ගෙන තිබේ.
මාතර උයන්වත්ත ක්‍රීඩාංගණයේදී ඊයේ (2 වැනිදා) පැවැති මෙම තරගයේදී ජයග්‍රහණය සදහා සාන්ත සර්වේශස් පිල ලකුණු 227 ක ඉලක්කයක් හඔා යමින් සිටියදී හතරේ සීමාව අසල සිටි මිහිසල් අමෝද විසින් රැකගන්නා ලද්දේ උඩ පන්දුවක් නොව එය ලකුණු 6 ක් විය යුතු යයි විරෝධතාවක් මතුවිය. අනතුරුව විනිසුරුවන් ආලෝක තත්වය අයහපත් යැයි තීරණය කරමින් තරගය අතහැර දැමූහ.
සාන්ත තෝමස් විදුහල පළමුව පන්දුවට පහර දීමට ලැබූ අතර පළමු කඩුළු 5 ලකුණු 88 කට දවා ගැනීමට සාන්ත සර්වේශස් පන්දු යවන්නෝ සමත් වූහ. එහෙත් නායක තරූෂ කාවින්ද නොදැවී පන්දු 64 කදී හතරේ පහර නවයක් සමග රැස් කර ගත් ලකුණු 77 සහ කවිඳු රිද්මාල් (36) සමග හය වන කඩුල්ල සදහා ගොඩනැගූ ලකුණු 97 ක අගනා සම්බන්ධතාවයෙන් තම පාසලේ ලකුණු සංඛ්‍යාව 226 දක්වා රැගෙන යාමට තෝමසුවෝ සමත් වූහ.
ඉලක්කය හඹා යද්දී සාන්ත සර්වේශස් පිලේ පළමු කඩුල්ල ලකුණු 7 කට දැවී ගියත් පුශ්පිත ඩිල්ෂාන් (42), චේතක දෙනුවන් (22), රිසිර ලක්වින් (56), කේශර නුවන්ත (30) සහ නායක තිලාන් ප්‍රශාන් ගේ පිති හරඹයෙන් සාන්ත සර්වේශස් පිල ජයග්‍රහණය ආසන්නයටම පැමිණියේය.
බාධා නොවූවා නම් ඔවුනට පන්දු 16 කදී ලබා ගතයුතුව තිබුනේ ලකුණු 30ක් පමණි. සිනෙත් සිතාර කඩුළු දෙකක් දවා ගත් අතර සදිර රශ්මික, ලහිරු ඩිල්ෂාන් සහ හිරන්ත ලක්ෂාන් එක් කඩුල්ල බැගින් දවා ගත්හ.
සාන්ත තෝමස් විදුහල ඕවර 45 කදී කඩුලු 7 ට 226 යි
(ලහිරු ඩිල්ෂාන් 26, හිරන්ත ලක්ෂාන් 21, මිහිසල් අමෝද 21, තරූෂ කාවින්ද්‍ය නොදැවී 77, කවිඳු රිද්මාල් 36
තිලාන් ප්‍රශාන් 45/2, පසිදු මනුප්‍රිය 34/2)
සාන්ත සර්වේශස් විදුහල ඕවර 42.2 කදී කඩුලු 6 ට 197 යි
(පුශ්පිත ඩිල්ෂාන් 42, චේතක දෙනුවන් 22, රිසිර ලක්වින් 56, කේෂර නුවන්ත 30, තිලාන් ප්‍රශාන් 27, සිනෙත් සිතාර 27/2)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
