මිනුවන්ගොඩ නාලන්දාවට ඉනිමක ජයක්

‘සිංගර් කුසලාන’ වයස 19 න් පහළ ක්‍රිකට් තරගාවලියේ තෙවැනි කොටසේ තරගයකදී කොට්ටේ ශාන්ත තෝමස් විද්‍යාලයට එරෙහිව ඉනිමක සහ ලකුණු 86 ක ජයක් හිමිකර ගැනීමට මිනුවන්ගොඩ නාලන්දා මධ්‍ය විද්‍යාලය සමත්විය. මෙම තරගය දිවුලපිටිය මහජන ක්‍රීඩාංගණයේදී පැවැත්විණි.

පිත්තෙන් දස්කම් දැක්වූ සසිඳු සඳරුවන් (118) ශතකයක්ද, තරගය පුරා පන්දුවෙන් දස්කම් දැක්වූ කවිඳු මදුරංග කඩුලු 8 ක් සහ චානක සමීර කඩුලු 7 ක් දවාගනිමින් මිනුවන්ගොඩ නාලන්දා මධ්‍ය විද්‍යාලය ජයග්‍රහණය කරා රැගෙන යාමට සමත්වූහ.

ශා.තෝමස් විද්‍යාලය - පළමු ඉනිම - ඕවර 38.1 කදී සියලුදෙනා දැවී ලකුණු 111
(දේශාන් පෙරේරා 37, තරින් ගිමිහාන් 28, චානක සමීර 14/4, කවිඳු මදුරංග 35/3, නිමේෂ් ප්‍රභාෂන 15/2)

නාලන්ද මධ්‍ය විද්‍යාලය - පළමු ඉනිම - ඕවර 92 කදී සියලුදෙනා දැවී ලකුණු 412
(සසිඳු සඳරුවන් 118, නදුන් කල්හාර 60, දසුන් අචිර 52, කවිඳු මදුරංග 50, ජනිත් මුතුගල 35, සලිඳු මල්මිණ 23, සකිත් පෙරේරා 106/5, ජනිත් පෙරේරා 76/2)

ශා.තෝමස් විද්‍යාලය - දෙවැනි ඉනිම - ඕවර 62.5 කදී සියලුදෙනා දැවී ලකුණු 215
(අශේන් චමුදිත 138, ආදිත්‍ය සූරියබණ්ඩාර 20, කවිඳු මදුරංග 81/5, චානක සමීර 73/3)