බස්නාහිර (උතුර) කණ්ඩායමට කඩුල්ලක තියුණු ජයක්

ශ්‍රී ලංකා ක්‍රිකට් ආයතනය සංවිධානය කරන වයස 19 න් පහළ අන්තර් පළාත් සීමිත ඕවර ක්‍රිකට් තරගාවලියේ අද (11 වැනිදා) පැවැති තරගයකදී උතුරු පළාත් කණ්ඩායමට එරෙහිව කඩුල්ලක තියුණු ජයක් හිමිකර ගැනීමට බස්නාහිර පළාත් (උතුර) කණ්ඩායම සමත්විය. මෙම තරගය කොළඹ තර්ස්ටන් ක්‍රීඩාංගණයේදී පැවැත්විණි.

පසිඳු උස්හෙට්ටි කඩුලු 3 ක් ද ප්‍රවීන් නිමේෂ සහ මහේෂ් තීක්ෂණ කඩුලු 2 බැගින් දවාගනිමින් උතුරු පළාත් කණ්ඩායමේ පිතිකරුවෝ මෙල්ල කිරීමට සමත්වූහ.

උතුරු පළාත - ඕවර 47.3 කදී සියලුදෙනා දැවී ලකුණු 122
(එස්.බනුජාන් 23, පසිඳු උස්හෙට්ටි 12/3, ප්‍රවීන් නිමේෂ 11/2, මහේෂ් තීක්ෂණ 26/2)

බස්නාහිර පළාත (උතුර) - ඕවර 34.4 කදී කඩුලු 9 ක් දැවී ලකුණු 123
(එම්.තීක්ෂණ 30, ටී.දිනෝශාන් 19/2, එස්.මතුෂාන් 23/2, ටී.විතුෂාන් 23/2, වී.වියට්ශාන් 20/2)