Last Update  :  2025-08-30 19:11:00 About Contact
Follow Us -
IMG-LOGO
නිවස්න පිටුව Cricket පළමු දිනයේ වැඩි ගෞරව ශා.ජෝෂප් විදුහලට

පළමු දිනයේ වැඩි ගෞරව ශා.ජෝෂප් විදුහලට

ශනුක අරවින්ද - 2018 මැයි මස 08 {{hitsCtrl.values.hits}} Views 0 Comment
A A A

මරදාන ශාන්ත ජෝෂප් විදුහල සහ මහනුවර ත්‍රිත්ව විදුහල අතර කෝල්ට්ස් ක්‍රීඩාංගණයේදී පැවැත්වෙන අන්තර් පාසල් වයස 19 න් පහළ ක්‍රිකට් තරගාවලියේ I කොටසේ අවසන් මහ තරගයේදී පළමුවෙන් පන්දුවට පහරදුන් ශාන්ත ජෝෂප් විදුහල සිය පළමු ඉනිම වෙනුවෙන් සියලු දෙනා දැවී ලකුණු 300 ක් ලබාගත්තේය.

එහිදී නායකත්වයේ ඉනිමක් ක්‍රීඩා කළ ජෙහාන් ඩැනියෙල් පන්දු 142 කදී ලකුණු 86 ක් රැස්කරමින් ශාන්ත ජෝෂප් පළමු ඉනිමේ වැඩිම ලකුණු ලාභියා බවට පත් විය. දුනිත් වෙල්ලාලගේ ලකුණු 42 ක්ද, රෙවාන් කේලි ලකුණු 39 ක්ද, ලක්ෂාන් ගමගේ නොදැවී ලකුණු 35 ක්ද රැස්කරමින් සිය කණ්ඩායමේ ලකුණු සංඛ්‍යාව 300 සීමාව දක්වා ඔසවා තැබීම සඳහා දායක වූහ.

ත්‍රිත්ව විදුහල වෙනුවෙන් දක්ෂ පන්දු යැවීමක නිතර වූ තිසරු දිල්ෂාන් කඩුලු 3 ක් දවාගත් අතර නායක හසිත බෝයගොඩ සහ කවිෂ්ක සේනාදීර කඩුලු 2 බැගින් දවාගනිමින් පන්දුවෙන් දස්කම් දැක්වූහ.

පළමු දිනය සඳහා තරගය නතර කරන විට පළමු ඉනිම වෙනුවෙන් පන්දුවට පහරදෙමින් සිටි ත්‍රිත්ව විදුහල කඩුල්ලක් දැවී ලකුණු 35 ක් ලබා සිටියේය.

ශාන්ත ජෝෂප් විදුහල් පළමු ඉනිම - ඕවර 82.4 කදී සියලු දෙනා දැවී 300
(ජෙහාන් ඩැනියෙල් 86, දුනිත් වෙල්ලාලගේ 42, රෙවාන් කේලි 39, ලක්ෂාන් ගමගේ නොදැවී 35, නිපුන් සුමනසිංහ 28, දිනෙත් ජයකොඩි 25, සචින්ත රවිඳු 20, තිසරු දිල්ෂාන් 43/3, හසිත බෝයගොඩ 42/2, කවිෂ්ක සේනාදීර 58/2)

ත්‍රිත්ව විදුහල් පළමු ඉනිම - ඕවර 7 කදී කඩුල්ලක් දැවී 35

 


අදහස් (0)

පළමු දිනයේ වැඩි ගෞරව ශා.ජෝෂප් විදුහලට

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.