(රජන්ත බමුණුකොටුව)
ශ්‍රී ලංකා පාසල් ක්‍රිකට් සංගමය විසින් සංවිධානය කරනු ලබන වයස අවුරුදු 17න් පහළ පළමු කොටසේ අන්තර් පාසල් ක්‍රිකට් තරගාවලියේ අර්ධ අවසන් පූර්ව වටයට සුදුසුකම් ලැබීමට පසුගිය වසරේ සම ශූරතාව දිනාගත් කොළඹ රාජකීය විද්‍යාලය සමත්විය. කොළඹ රාජකීය විද්‍යාලය මෙම තරගාවලියේදී තවමත් අපරාජිත බව රැකගෙන සිටී.
මහනුවර පොලිස් ක්‍රීඩාංගණයේ පැවැති තෙවැනි වටයේ තරගයේදී කොළඹ රාජකීය විද්‍යාලය විසින් කිංග්ස්වුඩ් විද්‍යාලයට එරෙහිව කඩුලු 9 ක ජයක් ලැබීය.
රාජකීය විද්‍යාලය වෙනුවෙන් පන්දුවෙන් දස්කම් දැක්වූ දුෂේන් උඩවෙල ලකුණු 15 කට කඩුලු 4ක් දවාලූ අතර, පිත්තෙන් දස්කම් දැක්වූ රෙහාන් පීරිස් නොදැවී ලකුණු 54 ක් රැස් කළේය.
මහනුවර කිංග්ස්වුඩ් විද්‍යාලය - ඕවර 32.2 කදී සියලු දෙනා දැවී 82 යි
(දුෂේන් උඩවෙල 15/4, සෙහඳු සූරියආරච්චි 10/2, සඳුල් අබේවර්ධන 16/2)
කොළඹ රාජකීය විද්‍යාලය - ඕවර 9.5 කදී කඩුල්ලක් දැවී 86 යි
(රෙහාන් පීරිස් නොදැවී 54)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
